Lucas 1:35 - NandevaBiblia

³⁵ Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Lucas 1:35 Iomraidhean Croise

Mateo 1:18

Jesucristo oarã kyrãmba: Ishy, María heima reko verã José; tẽvã ndeitẽ jyrekovare María purua Espiritu Santo rupii.

Mateo 1:20

José pya mbijeta'irã, mondii jypaihupe ijeshakashu pente Tũpa jokueva hãrã heishu: “José, David ñymoñashia, avy kyje reru verã María ndyrekorã, ko sanjay María ĩmere verã hai Espiritu Santo japova rupii.

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Marcos 1:1

Ñee kaviva õñepyrõhea Jesucristo ryheva, Tũpa tay.

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Lucas 1:27

Haipe iko'i Maria, kuñatãĩ pokoambateriheva, ĩñee meẽmava omendahe verã José he'iashua, David ñymoña hãndiare

Lucas 1:34

Maria pyrãndushu Tũpa jokueva: Mãrãirapo iko hokava, she aikombateri hãndiva kuimbai?

Lucas 1:36

Hãma Elizabet, nyrẽtarã membypo jyve, kuakuamatẽva. He'iaheva membymba'ia, katynga japoma 6 jasy puruava.

Juan 1:34

She aheshama, hãrã ambeu jyve haiñõĩva Tũpa Tay.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.