Lucas 1:32 - NandevaBiblia

³² Hai mbaivasupo hareka mbyheeaposhu Tũpa Tay vateve'õ; hãma Tũpa Teja japoposhi Mburuvisha vasu, tynondeshivare David rãĩmi.

Lucas 1:32 Iomraidhean Croise

Mateo 1:1

Kova hai tyree arykaivare Jesucristo ndei ourã vekua, hai David hareka Abraham ñymoñashiare.

Mateo 12:42

Mburuvisha vasu taype tenta vasu rovai kyty'õ Seva he'iashua, pũãpo jyvekui pirĩmbivacheava jy'arape hareka piniñono porããpo Tũpa hỹnonde porãmba pijapo vekuare. Shara hai yvy japyivive oho hendu verã Salomon Ñee kaviva. Tẽvã she hai pee, pente Salomonvi vateve'õ, ã'ẽ ĩme'ẽ kope.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Marcos 14:61

Tẽvã Jesús mba'ẽã hei, mbyhovaimba. Hãma paire juhuvisha hykuãi pyrãndujyshu: Ndera hai Cristo, Tũpa heko kaviva Ray?

Marcos 5:7

Hãma hỹnatu sapukerã hei: Jesús, Tũpa vateve'õ Tay, mbaivara ĩmeryre shendie? Airurende Tũpa heepe avy rivareite shyrehe verã!

Lucas 1:15

Shara ndyray haipokui pente kuareta mbaivasuva Ñandeja hỹnonde. Ho'ũãpo vino pyrỹmyngauva, hareka ndeiteri oarãvãĩpo tynyhẽ Espiritu Santo.

Lucas 1:35

Tũpa jokueva heishu: Espiritu Santo ñymbaikatu vejypo nẽãrẽ, hãrã Tũpa vateve'õ ñymbaikatu nymoãpo ãvãpyntu rãĩmi. Hãrã hokava sanjay ou verã mbyheeapo heko kaviva Tũpa tay.

Lucas 1:76

Hãma nde, shyray nymbyheeapo Tũpa ĩñee mbeu'ia vatevevape'õ; shara rehopo Ñandeja hỹnonderã, haperã rĩñono kavishu verã.

Lucas 3:16

tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Juan 12:34

Hãrã kuaretare heishu: Ore rãnga henduha Moisés mbypara vekua heiva Cristo hykove japymba verã. Marã'ĩrãra rere kuareta Tay hupiha verã kurusure? Akuarã mbavara kuareta Tay?

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Hechos 16:17

Kova kuñataĩ ou iripii hareka Pablo, sapuke: Kova kuimbai reta rãnga hai Tũpa vate õ jokueva, haire mbeupe ohojepeva hape.

Hechos 2:30

Tẽvã David hai Tũpa ĩñee mbeu'ia, kuaakavi Tũpa meẽshu ĩñee ñono verã pente tay mburuvisha vasurã.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Hechos 7:48

Katynga ha'ẽã Tũpa iko'iva hoka tũpao kuaretare japovape. Tũpa ĩñee mbeu'ia heiva rãĩmi:

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.