Lucas 1:2 - NandevaBiblia

² ỹrymboiva rãĩmi jypyiterãvãĩ hesha vekuare, hareka pyrỹmbory mbe'ua verã Ñee kaviva.

Lucas 1:2 Iomraidhean Croise

Marcos 1:1

Ñee kaviva õñepyrõhea Jesucristo ryheva, Tũpa tay.

Marcos 16:20

Hãrã haire oho mbeu Ñee kaviva oparupi, Ñandeja Jesús mboryshu reta, hareka my'ãñete ĩñee mbaikavi heshaha verã mĩ'ĩrũvare rupii. Amén.

Marcos 4:14

Ñimity'ia hai Tũpa ĩñee mbeu'ia.

Lucas 24:48

Pee rãnga hai pyheshava kova.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Juan 16:4

She hai pee kova mbai, ikomarã pynymanduahe verã ambeumapeva kova. Tẽvã jypyiterã ambe'ũãpe kova mbai, shara ãĩmeteri'ãĩ pynymbytepe.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 14:25

Mbeu reta Ñee tenta Pergepe, haivi oujy reta Ataliape.

Hechos 16:6

Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Hechos 26:16

Tẽvã pũ'ã, shara aijeshaka nde arijokue aryre verã, ã'ẽ ryheshava rỹmbeu verã hareka kutymivejyape ryhesha verã.

Hechos 4:20

Shara ore mbe'uhañoĩpo heshahava hareka henduha vekua.

Hechos 8:4

Tẽvã Jerusalenvi opa momohẽã vekuare mbeu reta Ñee kaviva ryheva ohova retaipi.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

2 Pedro 1:16

Shara pynymbo'ehãhe Ñandeja Jesucristo oujy verã opaite ñymbai katukue ryhevarã, ha'eã ñeereiva rupii yrỹmbaikuaa rupii nohẽãva, koñeĩ oreteiva yryresa rupii heshaha Jesucristo ñymbaikatu.