Lucas 1:17 - NandevaBiblia

¹⁷ Ko Juan vãhẽpo ndeiteri Cristo ourã, Tũpa ĩñee mbeu'ia Elías espiritu hareka mbaikatu ryheve, mbypya kavi verã tuure tayre hãndi, hareka mboi verã ñee hendumbare, ñee hendu verã. Kyrãpo myhẽvã hai henta ĩrũre Ñandeja pevãrã.

Lucas 1:17 Iomraidhean Croise

Mateo 11:14

Hãrã pota pyroja heiva retarã, Juan rãnga hai Tũpa ĩñee mbeu'ia Elías ou'ẽ verã.

Mateo 14:4

Hãrã Juan heishu Herodes: Katuã rãnga Herodia ndyrekõrãryre.

Mateo 3:3

Juan, haimba arykai Tũpa ĩñee mbeu'ia Isaías ijetaherã kuatiape mbypararã vekua: Ñyhendu yvy ikoambaipi hỹnatu ijetava: “Pymyhẽvã Ñandeja haperã, pijaposhu pe symyĩ ohova”.

Mateo 3:4

Juan mondeva hai kamello haakueivi japoava, ku'a jokuaka hai vakapi, tuku hareka ei ñanaipi'õvaĩ hou'i.

Lucas 1:16

Heta Israelpe'õre nohẽjypo mbai porãmba vekuaivi haire Ija Tũpa hape kyty.

Lucas 1:76

Hãma nde, shyray nymbyheeapo Tũpa ĩñee mbeu'ia vatevevape'õ; shara rehopo Ñandeja hỹnonderã, haperã rĩñono kavishu verã.

Juan 1:13

Ha'eã turuvy hareka tyroo potava rupii oavare; ha'eãvãĩjy kuareta potava rupii, Tũpaivi oava reta rãnga hai.

Juan 1:34

She aheshama, hãrã ambeu jyve haiñõĩva Tũpa Tay.

Juan 3:28

Peeteiva rãnga shyrẽndupi kyrã hairã, “she ha'ẽã Cristo, hỹnonderã mbouhavãĩ rãnga she”.

Hechos 10:33

Haivi ãrẽ'ãĩte amondo ndyreka verã hareka ndypya kavimbaje, rei verã. Ã'ẽ opaite ĩmehã'ẽ Tũpa hỹnonde, henduha verã opaite Ñandeja ñonondeva rỹmbeu ore verã.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

Colosenses 1:12

Hãrã pymeẽposhu pyndy'ajetekue Ñanderu. Shara piniñono kavi me'ẽãpe verã ñana'ãporã Tũpa meẽshu verã heko kyambare koĩvape vata'iare.

2 Timoteo 2:21

Hãma ĩme'ẽ ñymyngyamba'õrã, ikoposhi pente timbipory haikavivapeĩ poryhava, tykove mbijicheava Ñandeja pevarã hareka Hai porypo japo verã heta mbai haikavi.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Juan 2:28

Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.

Apocalipsis 20:4

Haivi ahesha vapyhasepyare, hareka vapyñynoĩpyare mbaikatu me'ẽãshuare pirĩmbivache verã. Aheshajy tykovere ñaka jasyjahashi vekua Jesús ryheva mbeu jyrerã hareka Tũpa ĩñee. Hai reta rãnga omombaimbaa mymba ñarõva maĩrã hã'ãnga, ma'ẽĩahe ñonoka ijehe ha'ãnga syvare hareka ipore, haire opajy kuera hareka Tũpa meẽshu vapyhasepya mburuvisharã ñynoĩ hãndi verã Mesías 1.000 ãñopeve.