Juan 9:39 - NandevaBiblia

³⁹ Haivi Jesús heishu: She ai, ko yvy'ĩãrẽ kuaretare hesha ijehe verã mbai porãmba japo vekua; heshamba kũvãipiare heshajy verã, hareka hesha'iare heshaveama verã kũvãĩpi.

Juan 9:39 Iomraidhean Croise

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Mateo 15:14

Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Mateo 6:23

Tẽvã ndyresa porããrã, ndyretepy opapo pỹntu, hãma ndyretepy sapeva opa pỹntu ndyhevirã, pỹntuĩtevepopy.

Lucas 1:79

Sapehe verã opaite pỹntuape'iare, hareka ñymano ĩ'ãkuepy iare; hãma ñandyraha verã pee pyavapyva hupi.

Lucas 13:30

Hãma ã'ẽ taykue'õ mytynondehapokui, hareka ã'ẽ tynonde'õ mbytaykuehapokui.

Lucas 2:34

Simeón meẽshu reta jyhovasa, hãrã heishu Maria, Jesús ishy: Tũpa mbou ko sanjay heta Israelpe'õre ohojepe verã, hareka yngavare jaheahe verã. Haipokui pente heshaha verã hareka hetapo'ẽkui ñymbyvaishoheva.

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Lucas 7:21

Haipe kavi Jesús mynguera heta ñymbairasy vekua, iko asyva, hãndi mohẽ mbaiposhyre, hareka heta mynguera heshamba kuvãipiare.

Juan 12:31

Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Juan 12:46

She hai sapeva ai vekua ko yvy'ĩãrẽ, opaite jyroja shyreheva ikoveama verã timimbivape.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 3:19

Jyrojambare jyvareamahe, shara mbai porãmba japo jyrerã, sapeva yvy'ĩãrẽ outẽã, timimbivaĩ pya ohovehe reta sapevaivi.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 8:15

Pee pijeta porããñoĩhe papisha kuaretare pya mbijetava rãĩmi ko yvy'ĩãrẽ. Tẽvã she mbaveã aijeta porããhe.

Juan 9:25

Tẽvã hai heishu reta: She aikuãã hoka kuimbai haira heko porãmba'ia. Pente mba'ẽĩ koñeĩ she aikuaa, she aheshãã kũvãĩpi tẽvã ã'ẽ aheshajyma.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

2 Corintios 2:16

Ohojepemba verãre pevarã kova incienso pishekue hai purukava, tẽvã ohojepevare pevarã, kova pisheva hai meẽva tykove. Mbavara katu japo kova?

Efesios 5:14

Hokava rehe rãnga he'iha: Sareko nde recherẽĩva. Pũã manovare pãũvi hãrã Cristo sapepo ndyrehe.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Juan 2:11

Tẽvã tyvy heshatãmbava ikoteri pyntuaipi, hareka kuãã matyra oho, shara timimbi vekua rehe katuã hesha.