Juan 9:35 - NandevaBiblia

³⁵ Jesús kuaama kuimbai heshamba kũvãĩpi vekua mohẽã Judiore ñymbatyseaivirã; hesharã heishu: Rirojarahe kuareta Tay?

Juan 9:35 Iomraidhean Croise

Mateo 14:33

Kanoape'iare opa ĩñesu Jesús hỹnonderã heishu: Nde rãnga ãñete Tũpa Tay.

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Marcos 1:1

Ñee kaviva õñepyrõhea Jesucristo ryheva, Tũpa tay.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:34

She aheshama, hãrã ambeu jyve haiñõĩva Tũpa Tay.

Juan 10:36

Tũpa shypyhỹrõ hãrã shymbou yvy'ĩãrẽ: Hãmera marã'ĩrã pere, she aijeta porãmbahea, Tũpa Tay she hairãme?

Juan 11:27

Marta heishu Jesús: Kyrãĩte, Sheja. Aroja nde haiva Cristo, Tũpa Tay ou verã aryka'e ko yvy'ĩãrẽ.

Juan 20:28

Haipe Tomas hei: Sheja, hareka shu Tũpa!

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 5:14

Haivi Jesús heshajy kuimbai tũpaoperã heishu: Ã'ẽ rykuerama. Mãĩkavi, ãteñoma japokui mbai porãmbava, mãhẽ jehundekui mbai porãmba'eiteveva.

Juan 6:69

Ore rãnga jyrojaha ndyrehe, hareka kuaaha nde haiva Cristo, Tũpa Tay.

Juan 9:22

Ko kuimbai tuure kyrã hei kyjeshi Judio retarã, shara iñiñono mãĩmba reta pente ñeepe, mohẽ verã Judiore ñymbatyseaivi ĩme'ẽ heiva Jesús haiva Cristo.

Juan 9:34

Haipe haire heishu: Nde rearãvãĩ nytynyhẽ vekua mbai porãmba. Potara rei ỹrỹmboirẽĩ? Hãrã mohẽ reta Judiore ñymbatyseaivi.

Hechos 8:36

Hãma hasama jyraha yyvasu ẽvãperã, ko karai eunuco hei: Kope ẽẽ yy, katuãra ã'ẽvãĩ shymyngarai?

Hechos 8:37

Felipe heishu: Ãñete ndypyaivive ryrojarã, katupo rijapo. Haipe Eunuco heishu: Aroja rãnga Jesús haiva Tũpa tay.

Hechos 9:20

Saulo õñepyrõ ravi mbeu Judiore ñymbatyseape, hei Jesús haiva Tũpa tay.

Romano 1:4

tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 10:20

Haivi Isaías kyjembape hei: “Shyrekamba vekuare, shyresha; pyrãndumba shyrehevare, aijeshakashu reta”.

1 Juan 4:15

Ĩme'ẽ heiva Jesucristo haiva Tũpa Tay, ikoma hãndi Tũpa hareka pyapere Tũpa.

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

1 Juan 5:13

Hãme ambyparape kova mbai opaite jyrojaheva Tũpa Tay, pikuaa verã ĩmepyreva tykove opambava.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Juan 5:5

Opaite rojava Jesús haiva Tũpa Tay, jepyhe ko yvy'ĩãrẽ'õ.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.