Juan 9:16 - NandevaBiblia

¹⁶ Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.

Juan 9:16 Iomraidhean Croise

Mateo 12:10

Haipe ẽẽ pente kuimbai ipo vyrãkuashi vekua; potai ñono vaishu reta Jesús, hãrã fariseore pyrãndushu: Katura ñamynguera hasyva putu'uava arape?

Mateo 12:2

Fariseore hesha hokavarã heishu reta Jesús: Maĩndaheno, rỹmboivare japova, japoamba verã putu'uava arape.

Lucas 13:14

Tẽvã huvisha Judiore ñymbatyseape'õ poshy'i shara Jesús mynguerajy putu'uava jy'arape. Haivi heishu kuaretare: 6 ara ẽẽ katu ñamba'apo verã; hãrã hoka arape rãngapo peii piñymyngueraka verã, tẽvã avypo putu'uava jy'arape.

Juan 10:19

Judiore hendu kovarã, ouma pente ñeepẽã ñynõĩjy.

Juan 14:11

Shyroja rãngapopi Sheru hãndi pentevãĩ orerã, hareka Sheru shypyape'ẽvã, kova pyrojãarã opava maĩnunga ajapo vekuaĩ pyroja.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 5:10

hãrã Judiore juhuvisha heishu hoka kuimbai kuerava: Putu'uava jy'ara rãnga'ẽ, ẽãnde ryraha verã ndurupa.

Juan 5:36

Tẽvã Juan hei vekuaivi ĩme'are mbava ijeta kavive shyreheva. Hãma maĩnunga ajapova, hai Sheru japokasheva, hokava heshaka kavi ãñete Sheru shymbouva.

Juan 6:52

Haipe Judiore ha'ire ijeta pohyjyre ijupiirã hei: “Marãrapo ko kuimbai ha'i hoo ho'uka ñande?”

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 7:23

Tẽvã, hekope kavi pijapo verã Moisés mbypara vekua, sanjay kuimbaimire putu'uava jy'arapeave pire pichĩchĩshi, marã'ĩrãra pyposhypishe amynguera putu'uava jy'arape pente ñymbairasyvarãme?

Juan 7:43

Hãrã kyrã kuaretare ijeta jyrehe Jesús pente ñeepembaa ñynoĩvape.

Juan 9:24

Haivi hẽnojy reta kuimbai heshamba kũvãĩpi vekuarã, heishu: Tũpa hỹnonde mbeu añeteva; ore kuaaha hoka kuimbai hai heko porãmbavarã.

Hechos 14:4

Tẽvã henta'iare opa ñimbijajao: Ĩme'ẽ israelvare jykoty'õ, ĩmejy Apostolre jykoty'õ.