Juan 8:46 - NandevaBiblia

⁴⁶ Mbavara pynymbytepe heshakaposhe mbai porãmba ĩme'areva? Añeteva hai peerã, marã'ĩrãra shyrojããpi?

Juan 8:46 Iomraidhean Croise

Mateo 21:25

Pereshe: Mbavara meẽshu mbaikatu, Juan pyrỹmyngarai verã? Tũpa maĩrã kuaretare? Hãrã haire õñepyrõ ijeta ijupi retarã hei: “Tũpa rãnga mboushu jairã, heipojy ñande: Akuarã mãrã'ĩrara pyrojããmbashu?

Marcos 11:31

Haire õñepyrõ ijeta ijupirã hei: “Tũpa rãnga mbou, jairã heipojy ñandekui: Hãmera, marã'ĩrã pyrojããshu?

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 16:8

Espiritu Santo oumarã heshakaposhu kuaretare opaiteva haiva mbai porãmba japo'iare; hareka ĩme'õ pente heko kyambaa hape hareka Tũpa ñimbivache ryheva.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 8:47

Tũpa ryhevare hendu kavi Tũpa ĩñee; tẽvã shyrẽnduseãpi shara ha'ẽãpe Tũpa ryhevare.

Juan 8:7

Haivi hykũãiñote pyrãndujyshu retarã, ñãka mupũãrã hei: Ĩme'ẽ pynymbytepe mbai porãmba japombavarã, hai rãni tynonde tijapi itape.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

1 Pedro 2:22

Hai japoã mbai porãmba, hareka mbavapeã mbytavy.