Juan 8:42 - NandevaBiblia

⁴² Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Juan 8:42 Iomraidhean Croise

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 16:30

Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Juan 5:43

She rãnga ai Sheru heepe, tẽvã shymyvãhẽãpi; hãrã ĩme'ẽ ijuhuvii ouvarã, ĩmerã pymyvãhẽposhu haikui.

Juan 8:14

Jesús heishu reta: Sheeitẽ aijeta shijehevara, añetevaĩ hai. She rãnga aikuaa mãĩvira ai hareka matyra aha. Tẽvã pee pikuãã.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;