Juan 8:37 - NandevaBiblia

³⁷ She rãnga aikuaa Abraham tay peerã; tẽvã pota shukapi, shara pateỹ mymyvãhẽ shiñee.

Juan 8:37 Iomraidhean Croise

Mateo 13:15

Ko kuaretare pya tanta retarã, haire hesa opa ñymboty potã hesharã. Haire japysa opa ñymbotyshi potã hendu hareka pyape kuaa retarã, hãndi ou she ãĩvape amynguerashu verãre.

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Juan 10:31

Haipe Judiore hykuaãĩ opa hekyjy reta ita japi verãre Jesús.

Juan 11:53

Hãrã hoka araivive, Judio juhuvishare pente ñeepẽĩ ñynoĩ juka verã Jesús.

Juan 5:44

Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Juan 7:19

Me'ẽãrape Moisés ñee mbyparahava? Tẽvã mba'ety japova. Mbaiva rehera pota shukapi?

Juan 7:25

Haipe Jerusalenvare, pyrãndu jyre: Ha'ẽãra ko kuimbai, heka jyreare juka verã?

Juan 8:33

Haire hei: Ore rãnga hai Abraham tayre, mapeã mbava ipope yryre. Marã'ĩrãra rere ore irijoraha verã?

Juan 8:43

Marã'ĩrãra pikuãã kova mbai ambeupeva? Shara potãã pyhendu shiñee.

Juan 8:56

Pynytynondeva Abraham, vy'a heshapo'ẽ shy'ararã. Hãma heshamarã hai vy'aite'i.

Juan 8:59

Hãrã haire ita heky japishu verã Jesús; tẽvã hetavare mbytepe ñemirã õhẽjy oho tũpaovi.

Juan 8:6

Haire kyrã pyrãndushu hããshu verã retaĩ. Tẽvã Jesús jyroarã õñepyrõ yvyre mbypara.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Romano 9:7

Opaĩñoã Abraham ñymoñashiare, hai añeteĩteva tayhea; shara Tũpa heimbashu: “Ñymoña ndyhevivare oupokui Isaac rupii”.

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

1 Juan 2:14

Ambyparape shyrayre ahaihuva, shara pikuaama Teru. Ambypara jyvepe terure, shara pikuaa kavima jypyiterãvãĩ ẽẽ vekua. Ambypara jyvepeje kunumire, shara pee pynypyrãta hareka Tũpa ĩñee iko pyndyrehe, hareka pijepyhe mbaiposhy.