Juan 8:34 - NandevaBiblia

³⁴ Jesús heishu reta: Ãñete hai pee, opaite mbai porãmba japo'iare, iko mbai porãmbava ipope.

Juan 8:34 Iomraidhean Croise

Mateo 5:18

Ãñeteĩte hai pee, ĩmeĩteri'ẽ ara hareka yvyrã, mba'ẽãpo hekyhashi Moisés mbypara vekua, opa ikopeve ẽpyare.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Hechos 8:23

shara ahesha nytynyhẽ mbai pyryreshatambava hareka mbai porãmba rijapo vekua nymbypereso'i.

Romano 6:12

Hãme rãnga ỹteñomapo pyma'ẽĩhe pijapokashu porãmbava tyrete potava.

Romano 6:16

Pee pikuaa kavi ĩme'ẽ ñymeẽva jokuehareii'i verãrã, pente pyrokue'iape ñee pyhendushu verãrã, iko pyndyhevi jokuereirea ñee pyhendushuva. Hãrã kyrãjy, mbai porãmbavaĩ pijapopirã verupope ñymano, tẽvã pijapo Tũpa heivarã verupope hekope kavi'õ.

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 7:14

Jaikuaa rãnga ñee mbyparahava haiva espiritu ryheva, tẽvã she hai pente kuareta me'ẽã vekua jokuearea rãĩmi mbai porãmbape.

Romano 7:25

Ameẽshu shy'ajetekue Tũpa, Ñandeja Jesucristo rupii. Koñemahea: Aikuaa ajapoñoĩ verã ñee mbyparahava Tũpa pota japoashuva, tẽvã shyrete ikangyrã, ãĩmeĩ'ãĩ ñee mbyparahava mbai porãmba japoa verãpe.

Romano 8:21

japoa vekuare opa ma'ẽĩjyhe verã opa mambaia verãĩvi hareka porãmbape jokuehareirea. Hipity verã vya hĩmbipeva opa nohẽãjy verãpe Tũpa tayre.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

2 Pedro 2:19

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.