Juan 8:31 - NandevaBiblia

³¹ Jesús heishu Judio jyrojaheare: Pijapo katu shiñeerã, ãñeteĩtepo haipekui amboi'areare.

Juan 8:31 Iomraidhean Croise

Mateo 24:13

Tẽvã tãtangatu ẽẽva japypeve, ohojepepokui.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Juan 2:2

Jesús hareka mboireare hãndi mbe'uha jyveshu oho verãre.

Juan 6:55

Shyroo hai ho'uava añeteva, hãrã shuruvy hai mbusururua verã añeteva.

Juan 8:36

Hãme rãnga, Tay pindijora mbai porãmba vekuaivirã, ãñeteĩtepo pindijorahakui.

Hechos 13:43

Hãrã opama ñymbatyvarã, heta Israelitava hareka tenta mbyryva hekopekavi jyrojaheva Tũpa mĩ'ĩrũshu Pablo hareka Bernabé, haivi ijetashu reta tãnta jyroja ñynoĩ verã Tũpa jyhaihupe.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 26:22

Tẽvã Tũpa shymboryrã rupii tãnta ãĩ ã'ẽpeve. Ambeu ĩñee opaiteva pevarã, pavetevare hareka ikokatuvare, koñeĩ haijyshu reta ikoverã Tũpa ĩñee mbeu'iare hareka Moisés hei vekua rãĩmi.

Romano 11:22

Maĩhe, Tũpa pyakavi tẽvã katu poshy jyve. Pya poshy hãndi opaite oa vekuare hareka pyakavi nendie. Tẽvã rikoã hai potava rãĩmirã, nde ndijasyjahapo jyve.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

1 Timoteo 2:15

Tẽvã taupe ohojepepo membyrã, jyroja katurã, ẽẽ jyhaihukueperã hareka heko kyamba ñakapory kaviva ryheve.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

2 Timoteo 3:14

Tẽvã nde opa mbaipepo rĩmypyrãta rikua vekuapy hareka nimbirojaka vekua, hãrã rikua kavirẽĩ mbavaivira opa rikuaa.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 8:9

Kova ñee me'ẽãva haiveãmapo pynytynondevare ajapo hãndi vekua rãĩmi, ipope apysyshu reta ãnohẽ verã yvy Egiptoivi; shara haire japoã shiñee me'ẽãvarã, ahejamashu reta, hei Teja.

Santiago 1:25

Tẽvã maĩkaviheva Moisés mbypara vekua hekope kavi'õ, Tũpa ĩñee hai hekope kaviva hareka ñandorava, syryãshirã, ha'ẽã henduĩñoĩteva hareka sareheva, koñeĩ japo, vy'apo opa mba'e japova rehe.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

1 Juan 2:24

Hãme rãnga avy poi pijapo aryka'e pynymbo'eahe vekua. Pijapoñoĩ peho pynymbo'eahearã, pẽĩñoĩpo hãndikui Tyray hareka Teru.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.