Juan 8:25 - NandevaBiblia

²⁵ Haipe pyrãndushu reta: Mbavara nde? Jesús heishu reta: Tynonde rãnga ambeupeje.

Juan 8:25 Iomraidhean Croise

Lucas 22:67

Mbeu ore, ndera hai Cristo? Jesús heishu reta: Hai rãnga haiperã, shyrojããpopi.

Juan 1:19

Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 1:22

Haipema heishu reta: Akuarã, mbaveitera nde? Mbe'uhashu verã jyve yrỹmbouvare. Mbeu ore, mbavaitera nde?

Juan 10:24

Haipe Judiore opajerehe, hãrã pyrãndushu reta: Mbaipeverapo kyrã yryre kuaa kavimba mbavara nde? Nde hai Cristorã mbeu kavi ore.

Juan 19:9

Hãrã Pilato ichejy huvisha ho'ipe hareka pyrãndushu Jesús: Mãĩvi reivara nde? Tẽvã Jesús mba'ẽã hei.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 8:24

Hãme rãnga haipeje pymanopo mbai porãmba pijapo vekuapy. Shara pyrojãã She haiñoĩvarã, pymanopokui mbai porãmba pijapo vekuapy.

Juan 8:26

Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.