Juan 8:24 - NandevaBiblia

²⁴ Hãme rãnga haipeje pymanopo mbai porãmba pijapo vekuapy. Shara pyrojãã She haiñoĩvarã, pymanopokui mbai porãmba pijapo vekuapy.

Juan 8:24 Iomraidhean Croise

Mateo 24:5

Shara hetapo'ẽ shyreepe ou heipe verã: 'She hai Cristo', hãrã hetapo'ẽ mbytavyva.

Marcos 13:6

Hetapo ou shyreepe heiva: “She hai Cristo”, hãma hetavapepo mbytavy.

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Juan 13:19

Ã'ẽvãĩ hai pee ndeiteri ikorã, ikomarã pyroja verã She Ñoĩva.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 4:26

Jesús heishu: Hai rãnga she Mesias, rijetarẽĩ hãndiva.

Juan 8:21

Jesús heijyshu reta: She rãnga ahapo, hãrã shyrekapopikui. Tẽvã pymanopokui mbai porãmba pijapo vekuapy; pee pehoãpo, she aha verãpe.

Juan 8:25

Haipe pyrãndushu reta: Mbavara nde? Jesús heishu reta: Tynonde rãnga ambeupeje.

Juan 8:28

Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Hechos 4:12

Mba'etyhe mbava ko ojepeva ryheva, shara Ñandeja yngava tyree me'ẽã ñande ko yvy'ĩãrẽ, ñanymondo jepe verã.

Hebreos 12:25

Pingareko kavi avypo pimbijiche ijeta ñandeva. Shara ohojepeã reta potamba henduvare ko yvy'ĩãrẽ mbo'ea retarã, ñande pevarã javaipo jyve jahajepe verã jyve potaã ñahendu vate araivi ñanymboivarã.

Hebreos 2:3

marãrapo ñañemikui, ñymondojepeva ryheva ojaimbava ñaingarekoãherãme? Shara Ñandeja rãnimba tynonde mbeu kova ñymondojepeva ryheva, haivi kova ñee henduvare heshaka ñande añetevarã.