Biblia Todo Logo
Bìoball air-loidhne

- Sanasan -




Juan 7:39 - NandevaBiblia

39 Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Faic an caibideil Dèan lethbhreac




Juan 7:39
42 Iomraidhean Croise  

Haire heishu: Ĩme'ẽ heiva Juan Bautista, ynga hei Elías hareka ĩme'ẽjy heiva nde hai Jeremias maĩrã arykaiva pente Tũpa ĩñee mbeu'ia.


Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.


Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.


tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.


Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.


Haipe pyrãndujyshu reta: Mbavara nde? Ndera hai Tũpa ĩñee mbeu'ia Elías? Juan hei: Ha'ẽã rãnga she. Hykuaĩ pyrãndujyshu reta: Akuarã, ndera hai Tũpa ĩñee mbeu'ia hãrõha'õva? Hai hei: Mba'ety.


Hãrã heishu reta: Akuarã, marã'ĩrãra rypyrỹmyngarai ha'ẽã nde Cristo, Elías, maĩrã Tũpa ĩñee mbeu'iarãme?


She aikuãã jyve mbavara hai; tẽvã shymbou vekua apyrỹmyngarai verã yype heishe: “Ryheshama pente kuimbai vejyhe Espiriturã, hokava hai pyrỹmyngaraiva Espiritu Santopy”.


Jypyiterã mbo'ehareare kũããmba reta mbaivara he'ise kova jehu'õ. Tẽvã Jesús manorã hareka kuerajymarã, manduajyhe reta opaite kova mbai ikova Tũpa ĩñee mbyparahavape heiva rãĩmi opa iko.


Jesús heishu reta: Vãhema ora kuareta Tay õmomba'eha verã.


Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.


Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.


Haipo she mombaivasukui, shara pysypo ameẽshu verã hareka kuaakapope.


Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.


Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.


Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.


Haipe Jesús mboireare peju ĩãrẽrã, heishu: Ameẽpe Espiritu Santo.


Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.


Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.


Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.


hãrã pyrãndushu reta: Me'ẽãra jyvepe Espiritu Santo pirojamarãme? Haire heishu: Henduhãã rãnga'ore ẽẽvã Espiritu Santo.


Tũpa hei: Ara koñymaheape, ãñohẽpokui opaite kuaretare ĩãrẽ she Espiritu, pyndyrayre hareka pyndyrajyre mbeupokui Tũpa ĩñee, kunumire heshapokui mbai heshamba iko verã hareka kuakuavare jypaihupe aijetaposhukui.


Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.


Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.


Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.


Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.


Haivi opama jurure retarã, oo haire ñymbaty ñynoĩvape opa ryry; hareka haire opa tynyhe Espiritu Santo hãrã mbeu reta Tũpa ĩñee kyjembape.


Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.


Kyrãmba aryka'e hokava, hãmera Espiritu ryheva japoava hĩmbipeveãrapo hai?


Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.


Lean sinn:

Sanasan


Sanasan