Juan 7:31 - NandevaBiblia

³¹ Heta kuaretare jyrojaherã, hei jyre: Cristo oumarã, mbaikavi heshaha verã hetaverapo japokui ko kuimbai japovaivi?

Juan 7:31 Iomraidhean Croise

Mateo 12:23

Opavare hesha kova ikovarã hei reta: Ha'ẽãra ko David ta'y?

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Juan 11:45

Heta Judiovare, Maria ou mi'ĩrũ vekuare heshama Jesús japovarã, jyroja jyvehe reta.

Juan 12:11

Shara hai rehe heta Judiovare ohovẽãma haykue, hareka jyrojahe reta Jesús.

Juan 12:42

Tẽvã, heta Judio jyroja jyvehe Jesús, hareka huvishavare. Mbe'uã retarãmeĩ opavare hỹnonde, shara kyjeshi fariseore, potãã mohẽshu reta Judiore ñymbatyseaivirã.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 4:29

Pei pymãĩhe pente kuimbai opaite kuaava ajapo vekuare. Ha'ẽãra kova Cristo?

Juan 4:39

Heta kuaretare Samariape'õ jyrojahe Jesús taupe heiva rupii: “Opaiteva rãnga mbeusheje ajapo vekuare”.

Juan 6:2

Heta kuareta oho haykue, shara hesha reta mbaikavi heshaha verã japova mynguera'i ñymbairasy vekua retarã.

Juan 7:26

Pymãĩhe kuty ijetañynoĩ hãndi reta, mba'ety rãnga mbai heishua. Ĩmera'ẽ ñanduruvishare rojava ko kuimbai ãñeteĩte haiva Cristo?

Juan 9:16

Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.

Hechos 8:13

Hãrã Simónteiva rojarã ñymyngarai jyve, hãrã õñepyrõ mi'ĩrũshu Felipe, mbyrymaĩhe mbai heshaha verã hareka mbai kavi heshaha verã hesharã.

Santiago 2:26

Shara ñandyrete putũhẽãrã mano, kyrã jyve jyrojakuepe mbaimba japova, manoma.