Juan 7:12 - NandevaBiblia

¹² Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Juan 7:12 Iomraidhean Croise

Mateo 10:25

Mbo'eharea vy'apo pyrỹmboi'õ rãĩmi'irã hareka jokuehareirea pyrokue'õ rãĩmi ikorã. Hãrã oo ija he'iahe Beelzeburã, mãrãrapo kyrãã he'ia jyveshu henta ĩrũre?

Mateo 21:46

Hãrã pota pysyka jyre Jesús. Kuaretare kyje jyreshi rãmeĩ, shara rekoshu reta Tũpa ĩñee mbeu'ia rãĩmi.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Lucas 18:19

Jesús heishu: Marã'ĩrãra rereshe pya kaviva? Mba'ety rãnga pya kaviva, koñeĩ'ẽ Tũpa.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Lucas 23:50

Iko haipe pente kuimbai heko kaviva José he'iashua, tenta Arimatea Judeape'õ, hai jyve Judiore juhuvisha penteva.

Lucas 6:45

Hãrã kuimbai pya kaviva, mbaikavivãi hei, shara haikavivãi pyape ẽ; hãrã kuimbai heko porãmba katy, mbai porãmbavãi hei, shara porãmbavãi pyape ẽ. Hãrã ñandy pyape tynyhẽva jaijeta ñandi juruipi.

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Juan 6:14

Kuaretare heshama Jesús mbaikavi heshaha verã japorã, hei reta: Ãñeteñoĩ rãnga kova hai Tũpa ĩñee mbeu'ia ou verã ko yvy'ĩãrẽ.

Juan 7:32

Fariseore hendu kuaretare heiheva Jesús; hãrã haire hareka pai ruvishare hãndi, mondo reta tũpaope'õ syndarore pysy verãre Jesús.

Juan 7:47

Haivi fariseore heishu: Peeavera piñymbytavyka jyve?

Juan 7:52

Haipe heishu reta Nicodemo: Galileape'õra jyve nde? Mãĩ kavipy kuatia Mbyparahava. Hãrã rikuaapo penteã Tũpa ĩñee mbeu'ia ou Galileaivi.

Juan 9:16

Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.

Hechos 11:24

Bernabé haimba pente kuimbai heko kaviva, tynyhẽvã Espiritu Santo hareka jyrojakue. Hãmemba heta'ẽ kuareta jyrojahea Ñandeja.

Romano 5:7

Ãñeteite ha'ẽã javaimbava penteva hykove meẽ manohe verã kuareta heko kaviva, ajemaĩpo ĩme'ẽ kyrẽỹ mano'ia heko kavi'iare rehe.

Filipenses 2:14

Opa mba'e pijapo pijetakavivape hareka pijakambava ryheve.