Juan 7:1 - NandevaBiblia

¹ Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Juan 7:1 Iomraidhean Croise

Mateo 10:23

Hãrã kuaretare pynymoña pente tentaivirã, ynga tentape pekuajy. Ãñete hai pee, kuareta Tay oujypo ndeiteri opa kavi pyvata tenta Israelperã.

Mateo 21:38

Heshama reta yvy ija tayrã, mba'apo iare hei: “Kovape rãnga opapo pytakui opa mbai, jajuka hãrãpo pyta ñandekui ko yvy”.

Marcos 11:18

Hãma haipe hendu pai ruvisha hareka Moisés mbypara vekua pyrỹmboi'iheare, hãrã heka marãrapo juka reta, shara haire kyjeshi, hareka heta'ẽjy kuaretare mbyrymaĩheva pyrỹmboiva rãĩmi”.

Juan 1:19

Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 4:3

Jesús kuaama hokavarã, õhẽ Judeaivi, ohojy Galileape.

Juan 4:54

Kova hai mokuehea mbaikavi heshaha verã Jesús japo vekua, oujy Judeaivi Galileaperã.

Juan 6:1

Haivi Jesús oho Galileape'õ yyvasu hyvaisho kyty, mbyheeavajy Tiberias.

Juan 7:11

Haipe Judiore heka jyrerã hei: Mãĩpiante ĩme'ẽ hokava kuimbai?

Juan 7:13

Tẽvã mba'etymba ijetaiteheva, shara kyjeshi reta Judiore juhuvisha.

Juan 7:19

Me'ẽãrape Moisés ñee mbyparahava? Tẽvã mba'ety japova. Mbaiva rehera pota shukapi?

Juan 7:25

Haipe Jerusalenvare, pyrãndu jyre: Ha'ẽãra ko kuimbai, heka jyreare juka verã?

Juan 7:35

Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?

Juan 8:37

She rãnga aikuaa Abraham tay peerã; tẽvã pota shukapi, shara pateỹ mymyvãhẽ shiñee.

Juan 8:40

Tẽvã pota shukapi, ambeupe ñee añeteva Tũpa shymboihe vekuarã. Tẽvã Abraham mapeãmba kyrã japo aryka'e.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.