Juan 6:63 - NandevaBiblia

⁶³ Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Juan 6:63 Iomraidhean Croise

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Hechos 5:20

Pekua hareka pimbou tũpaope hareka pymbeushu kuaretare ko ñee tykove ryheva.

Romano 10:17

Shara jyrojakue hai ñee hẽnduava rupii ouva, hareka hokava mbe'uava ou Cristo ĩñeevi.

Romano 2:25

Mba'ẽã rãngaposhu mbava pire chĩchĩka'i Moisés mbypara vekua japoãrã, mbijicheĩrã, hãĩny haimbatẽã pire chĩchĩkava.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

Galatas 5:25

Ã'ẽ jaiko Espiritu rupiirã, javatapo jyve Espiritu rupii.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Galatas 6:15

Ñañymypente hãndi Jesucristorã, mba'eã he'ise ñandipire chĩchĩãra maĩrã mba'etyra; koñeĩ haikavi Tũpa ñandapo py'aujyva.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Pedro 1:23

Pee rãnga peajy py'ahuma hareka ã'ẽ haiveãma tuure kuaretava mano verã ryhevavi, koñeĩ manomba verãivi, mbyhykovejy Tũpa hykove'ivaivi hareka opa arape ikova.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;