Juan 6:57 - NandevaBiblia

⁵⁷ Sheru shymbou vekua ĩmere tykove, hai rupii she aiko; kyrãĩ jyve shyroo houva hykovepo jyve she rupii.

Juan 6:57 Iomraidhean Croise

Mateo 16:16

Simón Pedro heishu: Nde hai Cristo, Tũpa tay hykove'ia.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 5:26

Shara Tuu ĩmere ijehe tykove, kyrãĩ jyve Tay, meẽshu tykove hai reko ijehe verã.

Juan 6:29

Jesús heishu reta: Kova hai Tũpa potava, pirojahe hai mbou vekua.

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

1 Corintios 15:22

Adán rupii opava kuaretare mano, kyrã jyve Cristo rupii opavare kuerajypo.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

1 Tesalonicenses 1:9

Hai retateiva mbeu marãra pee ỹrỹmyvãhẽ kavi, hareka mbeu reta marãra ta'ãnga pypoi pemombai Tũpa jykoty peijy verã, hai potava pijapo verã Tũpa manombava hareka añeteva,

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

1 Juan 4:9

Tũpa rãnga heshaka ñande jyhaihu, mbou Tay pentereva ko yvype, hai rupii ĩmẽjare verã tykove opambava.