Juan 6:51 - NandevaBiblia

⁵¹ She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 6:51 Iomraidhean Croise

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Lucas 22:19

Haivi hekyjy pãhã; opama jururejy'ĩãrã, pyseã meẽshu retarã hei: Kova hai shyrete, me'ẽã pyndyrehe verã. Pynymanduajy shyrehe verã, pijapo kova.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 11:26

Hãrã opaite hykove teri'iare jyroja shyreheva, opa ara pevarãpo mano. Ndera ryroja kova mbai?

Juan 3:13

Mba'ety jupiva vate arapy, haivi vejy vekuãĩ rãnga; jaishu kuareta Tay.

Juan 3:14

Moisés mũpũãva rãĩmi yvy ikoambaipi mboi hã'ãnga bronceivi japoava, kyrãĩpo mũpũ'ãhã jyve kuareta Tay,

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 6:33

Pãhã tykove meẽva rãnga hai Tũpa mbouva vate araivi kuaretare pevarã.

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

Juan 6:41

Kova mbai rehe Judiore õñepyrõ ijeta porããhe Jesús. Shara hei: “She hai pãhã vate araivi ou vekua”.

Juan 6:47

Ãñete hai pee, jyroja shyreheva ĩmemare tykove opamba verã.

Juan 6:48

She hai pãhã, meẽvã tykove.

Juan 6:50

Kova hai pãhã ouva vate araivi, hãrã hokava houvare manovẽãmapo.

Juan 7:38

Jyroja shyreheva, Mbyparahava heiva rãĩmi, pyaivivepo syry'ẽkui yy meẽva tykove.

2 Corintios 5:19

Kova he'ise, Cristo rehe, Tũpa iñonojy kavi hãndi kuaretare, manduambaheva mbai porãmba kuaretare japo vekua; hãrã meẽ ore ñee pirĩñonojy kaviva ryheva.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Efesios 5:25

Hoka temere tyhaihu kavi tyrekope, Cristo haihuva rãĩmi jyve tũpaore, hãrã hai meẽ manohe verãre.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 10:20

Pe py'ahuvaipi hareka hykoveva pea ñande tarapo jochahapya rupii, kova hai hete rupii.

1 Pedro 2:4

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.