Juan 6:45 - NandevaBiblia

⁴⁵ Tũpa ĩñee mbeu'iare tynondeva mbypara vekuape kyrãmãĩ hei: “Tũpa opaitepo mboishu reta”. Hãrã opavare henduva hareka kuaa kavishia Sheru ĩñee, haipo shyryhevare.

Juan 6:45 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Marcos 1:2

Heiva rãĩmi, Tũpa ĩñee mbeu'ia Isaias jykuatiape: “Ko ãmondo ajokueva shiñee mbeu verã nynonderã, myhẽvã verã ndyraperã”.

Lucas 1:70

Kova hai mbe'uka ñandea Tũpa ĩñee mbeu'ia heko kyamba arykaivare rupĩĩ:

Lucas 18:31

Jesús hẽno hã'ẽĩ'õpe 12 mboirea retarã heishu: Ã'ẽ jahapo Jerusalén kyty, haipepo opa iko Tũpa ĩñee mbeu'iare heihe vekuare Kuareta Tay,

Juan 10:27

Shy'avishare kuaa shiñee, hareka she aikuaashu reta, hãrã haire ou shaykue.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Juan 6:65

Hãrã hei: Hãme rãnga hai pee, katũã kuaretare ou ãĩvape, Sheru veruãshurã.

Hechos 13:40

Pimoãshi avy toa peãrẽkui Tũpa ĩñee mbeu'iare ñono vekua kuatiare:

Hechos 7:42

Hãrã Tũpa syryshi hai reta hareka ma'ẽĩhe õmombaishu reta jasytatare ara vate'õ. Shara Tũpa ĩñee mbeu'iare hei vekua mbyparaha vekuape kyrã ẽẽ: Mbaipera pẽẽ, kuareta israelitavare; pijuka mymbarã pymeẽshe 40 ãño yvy ikoambaipi pikorãme?

Efesios 1:17

Airureshu Tũpa Ñandeja Jesucristo, jaishu Tũpa hĩmbipeva, tymeẽpe mbai pikuaa verã Espiritupy hareka pikuaa kavi verã, heshakape verã hai ñymbai kuaakuepy.

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

Hebreos 10:16

Kova hai ñee me'ẽãva ajapo hãndivare hokavare araivi, kyrãpokui, hei Ñandeja: “Añonoposhu reta haire pyape shiñee mbyparahava hareka ambyparapo ñakape”.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.