Juan 6:27 - NandevaBiblia

²⁷ Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.

Juan 6:27 Iomraidhean Croise

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Mateo 6:19

Avy pymbaty maĩnunga hetava yvy'ĩãrẽ, kupii opa houvaipi, maĩnungakuere opa tujavape, hareka mãnãrõ'iare icheseaipi opa ñomi verã.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Marcos 1:11

Hãma iñyhendu pente ñee ouva vate araivi heiva: “Nde hai Shyray ahaihuva, nde rupii shypya hory'ẽ”.

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Lucas 3:22

Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Lucas 9:35

Haivi ou pente ñee ãvapyntuivi, heiva: “Kova hai Shyray ahaihuva, pijaposhu hai heiva”.

Juan 10:28

She ameẽshu reta tykove opamba verã; hareka mapeãpo manokui, hareka mbavẽãpo heky ipoivi.

Juan 11:42

She aikuaa shyrẽnduñoĩrã, tẽvã kova kuaretare rehe kyrã hainde, roja verãre nde hai shymbouvarã.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 17:2

Nde rãnga opa rĩñono kuaretare Ndyray ipope, meẽshu verã tykove opambava opaite jyrojaheare, hareka rymeẽshu vekuare.

Juan 3:15

opaite jyrojaheare reko verã tykove opambava.

Juan 3:33

Tẽvã ĩme'ẽ rojavarã, my'ãñete Tũpa heiva,

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Juan 6:47

Ãñete hai pee, jyroja shyreheva ĩmemare tykove opamba verã.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 6:53

Jesús heishu reta: Ãñete hai pee, pe'ũã kuareta Tay hoo hareka pumbusururuã huvyrã, katuãpo ĩmepyre tykove.

Juan 6:54

Hãrã shyroo houva hareka mbusururuva shuruvy, ĩmemare tykove opamba verã; hãrã she amynguerajypokui ara japyape.

Juan 6:58

Aijeta'aĩhe ko pãhã ou vekua vate araivi. Kova pãhã ha'ẽã mana pynytynondevare hou jyre vekua rãĩmiva, haivi opa mano reta, tẽvã kova pãhã houva ĩmepore tykove opambava.

Juan 6:62

Mbaivangamba ikotẽpo, pyhesha ko kuareta Tay jupijyma arykai iko'i vekuaperãme?

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Juan 8:18

Hãme rãnga she hai mbai heshava she pevarã, hareka Sheru shymbou vekua jyve ĩrũ mbai heshava she pevarã.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Romano 4:11

Hãrã Abraham ñonoãhe heshaha verã ñichĩchĩkava sello ñimbivache ryheva Tũpa mbyhekokavimashuva jyrojakue rupii. Kyrãmba Abraham ikoshi jyrojavare tuu, ajemaĩ ñichĩchĩkambatẽãre, hãrã Ñandeja Tũpa reko jyvehe reta heko kyamba rãĩmi jyrojakue rupii.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

1 Corintios 9:2

Yngavare pevarã ha'ẽãshe apostolrã, pee pevarã she hai, pee pyrojava añimiñeerã ambeuva pyheshaka she haiva Ñandeja jy'apostol.

2 Corintios 4:18

Ore ma'ẽhãhe ijyheshavare, koñeĩ ma'ẽhã heshahambavare. Shara mbai ijyheshava opareii, tẽvã heshahambare hai ikova opa ara.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Filipenses 2:13

shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

Colosenses 2:22

Kova japoa verã hareka mbo'eahevare, ara hasa oho'ivape opa oho'i, kova reta hai kuaretare japova.

Colosenses 3:2

Pypya pimbijetahe mbai vate arapy'õ, ha'ẽã yvyipi'õre.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

Hebreos 12:16

Avypo mbava kyrãrãĩ'i hareka mbai jahehe Tũpape mbijicheavare. Kova japo Esaú, hai meẽhe ho'uava ña'ãporãte vekua tyray tynondeva ryheva.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Santiago 1:11

Kuarasy õhẽmarã hareka hakuma'ẽrã, opa jipi, poty oashi haima mashy'ãkue opareii. Kyraĩ jyve ikokatuva opareiipo jyve mbai hipity vekuare.

1 Pedro 1:24

Kuatia Mbyparahavape rãnga hei: Opaite kuaretare kapii rãĩmi hareka mashy'ãkue yvyra poty rãĩmi ñuuhupi'õ. Hokava ñana jipi hareka yvoty hoky opa oashi.

2 Pedro 1:17

Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.