Juan 5:44 - NandevaBiblia

⁴⁴ Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?

Juan 5:44 Iomraidhean Croise

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Lucas 19:17

Mburuvisha vasu heishu: “Haikavite, mishĩtẽvãra hai nde jokuehareirea heko kaviva, arỹmbyhepokui huvisharã 10 õ tenta vasu ndepope'ẽ verã”.

Juan 12:43

Haire potãĩ kuaretare mbyveteshu, Tũpa õmombaitẽ verãivi.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 3:20

Opaite mbai porãmba japo'iare, mymorãã kõĩvãpe'õ, hareka ñymbojããhe reta kõĩvã shara potãã heshaha mbai porãmba japo'irã.

Juan 5:41

She ahekãã kuaretare ijeta kavi shyrehe verã.

Juan 8:43

Marã'ĩrãra pikuãã kova mbai ambeupeva? Shara potãã pyhendu shiñee.

Romano 2:10

Hãma haikaviva japoñoĩ'iare, Tũpa meẽposhukui tenda haikaviva, mbyvetehapo hareka pyavapy, tynondepo Judiore hareka jyve haimba Judiore.

Romano 2:29

Judiore añeteĩteva hai ñee mbyparahava Tũpa ña'ãpova pyaivive japova, Espiritu Santo rupii, hareka ha'ẽã mbyparava rupii. Kyrãva kuaretare Tũpa pysyĩma hai, ajema kuaretare mbijichetẽvã.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

Hebreos 3:12

Pymaĩ shyryvyre, avy mbava pee ĩmetyre pya porãmba hareka mbai rojamba'ia Tũpa hykove'ia pynymymbyryshi verã.

Santiago 2:1

Shyryvyre, pirojava Ñandeja Jesucristo ñymbai katui'ivare, porããpo kuaretare pimbivavy pingarekoherã.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

Judas 1:25

Hãrã japyraheposhu Ñanymondojepe'ia koñeĩ'ia. Jesucristo rupii Ñandejape, opa kuaa vateve'ẽvã, ñymbaikatuva hareka hĩmbipeva. Japyraheshu Tũpa opaite kova rehe, ã'ẽ hareka opa arape. Amén.