41 She ahekãã kuaretare ijeta kavi shyrehe verã.
Haire potãĩ kuaretare mbyveteshu, Tũpa õmombaitẽ verãivi.
Tẽvã aikoteveã kuaretare ijeta kavi shyrehe; hareka ãmbe'uipe, peojepe verã jyve.
tẽvã patẽy pei ãĩvape pyreko verã hokava tykove.
Tẽvã she apyrykuaa kavi, hareka aikua Tũpape pyhaihuã.
Marãrapo piroja shyrehe, pota kuareta retaĩ ijeta kavi pyndyreheva, hareka pirojããhe Tũpa penteĩ'õ?
Tẽvã Jesús kuaa haire pota mbaretepe huvisha vasurã raha ñono jyrerã, hãrã ha'i oho jupijy yvyturusure.
Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.
She aipotãã mbava shymbyvete; tẽvã ĩme'ẽ hekava hareka hai ẽ shendie.
Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.
Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.
Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.
Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.
