Juan 5:39 - NandevaBiblia

³⁹ Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Juan 5:39 Iomraidhean Croise

Mateo 22:29

Jesús heishu reta: Tivisha rãnga pijavy. Pee pikuãã Tũpa ĩñee maĩrã Tũpa ñymbaikatu.

Marcos 10:3

Hai pyrãndushu reta: Marãra hei pee aryka'e Moisés?

Marcos 12:10

Pimbijetããra kuatia Mbyparahavape heiva?: Ita, oo japo'iare mombo vekua, ã'ẽ ikoshi ita oo jypy vapyhe verã,

Lucas 16:29

Tẽvã Abraham heishu: “Haire ĩmere Moisés mbypara vekua hareka Tũpa ĩñee mbeu'iare hei vekua; haire tyhendushu”.

Lucas 16:31

Abraham heishu: “Henduseã Moisés, hareka Tũpa ĩñee mbeu'ia retarã, rojã'ãĩpo jyve reta ĩmetẽ'ẽ pũãjyva manovare pãũvi”.

Lucas 24:25

Hãma Jesús heishu reta: Pee mbaimba pikuaava! Marã'ĩrãra pyndypya tantaĩte pyroja verã Tũpa ĩñee mbeu'iare hei vekua?

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 1:45

Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Juan 5:32

ĩme'ẽ yngava ijeta shyreheva, hareka aikuaa añeteva hai hei shyreheva.

Juan 5:36

Tẽvã Juan hei vekuaivi ĩme'are mbava ijeta kavive shyreheva. Hãma maĩnunga ajapova, hai Sheru japokasheva, hokava heshaka kavi ãñete Sheru shymbouva.

Juan 5:40

tẽvã patẽy pei ãĩvape pyreko verã hokava tykove.

Juan 5:46

Hãma Moisés pirojaherã, pirojatẽ jyve shyrehe verã, shara hai shyrehe mbypara kuatia.

Juan 7:52

Haipe heishu reta Nicodemo: Galileape'õra jyve nde? Mãĩ kavipy kuatia Mbyparahava. Hãrã rikuaapo penteã Tũpa ĩñee mbeu'ia ou Galileaivi.

Hechos 13:27

Jerusalenva hareka juhuvishare kuããshu Jesús, hareka kuãajy Tũpa ĩñee mbeu'iare ĩñe'ẽkue mbijetava Judiore ñymbatyseape putu'uhava arape. Hãrã hai retatei ñonovaimashu Jesús, japohe reta ñĩmĩñee'iare jykuatiape ẽvekuarã.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Hechos 26:27

Mburuvisha vasu Agripa, ryrojara Tũpa ĩñee mbeu'iare hei vekua? She aikuaa ryrojava.

Romano 1:2

Hai ĩñee meẽmaĩmba hokava Ñee Kaviva Tũpa ĩñee mbeu'iare rupii Mbyparahavare kyambavapy.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 11:35

Ã'ãmo taupere myvãhẽjy hentape henta'ĩrũre manova kuerajy vekua. Ĩrũre opa mano heta nupaharã, shara he'iã reta nohẽãjy verã hejahareishu verã, shara hãrõre reta pente tykove haikaviteveva ouva manovare hykovejymarã.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.