Juan 5:34 - NandevaBiblia

³⁴ Tẽvã aikoteveã kuaretare ijeta kavi shyrehe; hareka ãmbe'uipe, peojepe verã jyve.

Juan 5:34 Iomraidhean Croise

Lucas 13:34

Jerusalén, Jerusalén, rijukariva Tũpa ĩñee mbeu'iare, hareka itape rijapireiva Tũpa mondotendevare! Mbovyjyra shykyrẽỹte ambaty nymembyre, uru memby mbatyva rãĩmi hỹpãpõka'ipe, tẽvã ndee ripotãã!

Lucas 19:10

Shara Kuareta Tay ou heka hareka mondojepe verã kañy vekuare.

Lucas 24:47

hareka ñimiñe'ẽha verã hai heepe opa tenta retaipi, oujy verãre Tũpa kyty hai hejareishi verã mbai porãmba japo vekuare. Peñepỹrõhe Jerusalénvi.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 5:32

ĩme'ẽ yngava ijeta shyreheva, hareka aikuaa añeteva hai hei shyreheva.

Juan 5:41

She ahekãã kuaretare ijeta kavi shyrehe verã.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Romano 10:1

Shyryvyre, shypyape aipotava hareka Tũpape airureva hai, Israelitare ohojepe verãre.

Romano 10:21

Tẽvã Israel rehe Isaías hei: “Opa ara shepo ãmondoshu pente tenta ñee hẽndumba hareka pya tãntava”.

Romano 12:21

Avy heja porãmbavaĩ tijepy ndyrehe. Kyrãtẽ verã, jepyhe porãmba haikavivapy.

Romano 3:3

Ĩme'ẽ Judiovare Tũpa ĩñee rojambarã, hãmera haire rojaarã, Tũpa japoãpo jyve hai ĩñee meẽ vekua?

1 Corintios 9:22

Pyrãtambavare mbytepe, aiko jyve pyrãtambava rãĩmi, aru verã reta jyve pyrãtambavare. Jaishu opaĩ añimbivache hãndi, a'ãmo ohojepe verã reta jyve.

1 Timoteo 4:16

Ñyngareko ndijehe marãra riko hareka rypyrỹmboi, jytaso katu kova mbaipe.

1 Juan 5:9

Jaroja rãnga kuaretare heiva, tẽvã jarojaiteve hai Tũpa heiva, shara hai mbeu Tay ryheva.