Juan 5:19 - NandevaBiblia

¹⁹ Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 5:19 Iomraidhean Croise

Mateo 26:39

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Juan 10:18

Mba'ety heky shyheviva shykove, koñeĩ sheii ameẽjy. Shara ĩme'are mbaikatu ameẽ verã hareka apysyjy verã. Kova hai ñeẽ japoa verã amyvãhẽva she ruivi.

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 12:50

She aikuaa Sheru heiva hai tykove opamba pevarã. Hãrã opaite, Sheru heisheva rãĩmi hai'ãijyve.

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 2:19

Jesús heishu reta: Opa pymambai ko tũpao, mbahapy arapepo ãmupũãjykui.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Juan 6:38

She ai vate araivi ajapo verã shymbou vekua potava, ha'ẽã she aipotavãĩ ajapo verã.

Juan 8:28

Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

Juan 9:4

Kõĩ terirã ajapo ñõĩpo shymbou vekua potava; shara vãhẽpo pỹntu verãpe, hãrã mbaveamapo mba'apo.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Romano 6:4

Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

1 Corintios 15:12

Tẽvã mbe'uha Cristo mupũ'ãhajyva manovare mbyteivi, hãmera marã'ĩrã ĩme'ẽjy pynymbytepe heiva kuerajymbava manovare?

2 Corintios 4:14

kuaaha marãra Tũpa mynguerajy Ñandeja Jesús manovare mbyteivi, hareka ore yrỹmynguerapo jyve hãndi, hãrã yryrahapo penendiekui hai hỹnonde.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Efesios 2:5

ñanymynguerajy hãndi Cristo, mbai porãmbape ñamanoterirã vekua. Kyrã Tũpa jyhaihukue rupii jahajepe.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

Filipenses 4:13

Opa mbai katu ajapo Cristo rupii, hai shymypỹrãtase'ia.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Colosenses 1:16

Hai rupii rãnga Tũpa japo opaite arare'õ hareka yvy'ĩãrẽ'õre, opaite mbai heshahava hareka heshahambavare; mburuvisha vasure, opaite espiriture pyryrekova ipope hareka pyrãtavare; Cristo rupii opa mba'e japoha hareka hai pevarã.

1 Tesalonicenses 4:14

Kyrã jarojava rãĩmi Jesús mano hareka kuerajya manovare mbyteivi, kyrãĩ jarojajy Tũpa mbyhykovejy verã Jesús hãndi; jyroja ryheve mano vekuare.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.