Juan 5:18 - NandevaBiblia

¹⁸ Kova rehe Judiore potaiteve jukajyre Jesús, shara japo pente mbai japohamba verã putu'uava jy'arape harekajy ñimbivache'i hãndi Tũpa, hei Tũpa haiva Tuu.

Juan 5:18 Iomraidhean Croise

Mateo 12:5

Pimbijetããra Moisés mbypara vekua heiva rãĩmi, paire putumbaa verã putu'uava jy'arape tũpaope, tẽvã mbavẽã heishu hokava mbai porãmba?

Juan 1:19

Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 10:30

Teru hareka She, penteĩ'õĩhã.

Juan 10:33

Haire heishu: Ndukahããpo itape mbaikavi rijapo vekua rehe, Tũpa porãã rijetaherã reheĩ rãnga. Kuimba'ẽĩ rãnga nde, tẽvã rijijapori Tũpa rãĩmi.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 19:7

Judiore heishu: Ore rãnga ĩmerekoha ñee mbyparahava, haipy hei manoñoĩ verã, shara hei ijehe Tũpa Tay.

Juan 5:15

Ko kuimbai oho Judiore juhuvisha ẽvãpe, haipe mbeushu reta Jesús mynguerava.

Juan 5:16

Hãrã Judiore moña jyre Jesús, shara putu'uava jy'arape hokava mbai japo.

Juan 5:17

Tẽvã Jesús heishu reta: Sheru rãnga mba'apoñõĩ hai ã'ẽpeve, hãrã she amba'apoñoĩ jyve.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Juan 7:19

Me'ẽãrape Moisés ñee mbyparahava? Tẽvã mba'ety japova. Mbaiva rehera pota shukapi?

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Filipenses 2:6

Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi,

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 22:3

Hoka tentape mba'etymapo jypejuva. Haipepo'ẽkui Tũpa vapypya hareka Avisha Ray, Tũpareĩ jyroja'iare mbyvetepokui.