33 Tẽvã ĩme'ẽ rojavarã, my'ãñete Tũpa heiva,
Avy ho'uava opa verãreheĩ pymba'apo, pymba'apojyvehe ho'uava opamba verãre, hareka meẽvã tykove opambava. Hokava hai ho'uava kuareta Tay meẽpe verã, shara Tũpa Teru, kyrã ñonoshu.
Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.
Hãrã, opa kavima ajapo kovarã hareka ameẽ kova mbatyavarã, ahapokui España kyty hareka haipi ahasarã ahapo apyryheshakui.
Hãrã Abraham ñonoãhe heshaha verã ñichĩchĩkava sello ñimbivache ryheva Tũpa mbyhekokavimashuva jyrojakue rupii. Kyrãmba Abraham ikoshi jyrojavare tuu, ajemaĩ ñichĩchĩkambatẽãre, hãrã Ñandeja Tũpa reko jyvehe reta heko kyamba rãĩmi jyrojakue rupii.
Yngavare pevarã ha'ẽãshe apostolrã, pee pevarã she hai, pee pyrojava añimiñeerã ambeuva pyheshaka she haiva Ñandeja jy'apostol.
Tũpa rãnga opa hesha mapeã ore he'iha “ẽẽ” hareka “mba'ety” pente he'iape.
Hai ñande sella, kuaaha verã hai ña'ãpova ñanderã; Espiritu Santo rupii.
Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.
Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.
Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.
Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.
“Mbai porãmba jajapoã” jairã, ñambijapu Tũpa, hareka ĩñee mba'ety ñandypy.
