Juan 3:27 - NandevaBiblia

²⁷ Juan heishu reta: Mba'ety maĩnunga ĩmere verã Tũpa mẽ'ẽãshurã.

Juan 3:27 Iomraidhean Croise

Mateo 21:25

Pereshe: Mbavara meẽshu mbaikatu, Juan pyrỹmyngarai verã? Tũpa maĩrã kuaretare? Hãrã haire õñepyrõ ijeta ijupi retarã hei: “Tũpa rãnga mboushu jairã, heipojy ñande: Akuarã mãrã'ĩrara pyrojããmbashu?

Mateo 25:15

Pentevape meẽ 5 mil nikere, hãrã ĩrũ 20 mil, yngava retape meẽ 10 mil pepenteĩ hipity kavishu verã. Haivi oho mbyry.

Marcos 13:34

Pente kuimbai mbyry ohova rãĩmi; hoo hejashu jokuereirea, hãma pepenteĩ ñonoshu japo verã, hãrã õchepe ñyngareko'õ heishu ochemba'ẽ verã.

Juan 10:41

Heta kuaretare oho hai ẽvãpe, hãma hei reta: Juan mapeã mbaikavi heshaha verã japo, tẽvã ãñetemba heihe vekua ko kuimbai.

Juan 6:65

Hãrã hei: Hãme rãnga hai pee, katũã kuaretare ou ãĩvape, Sheru veruãshurã.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 12:6

Tũpa jyvavavy meẽ ñande mbai jaikatu verã, hai pota opaiteva meẽ ñandeva rupiimba. Hãme añete hai ñono ñande heepe ĩñee ñambeu verãrã, japory kavi jairojakue rupii,

1 Corintios 1:1

She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 12:11

Opaite kova Espiritu Santo koñeĩ'õ japo, meẽshu pepenteĩ kuaretare hai potava rãĩmi.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.