Juan 3:2 - NandevaBiblia

² Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 3:2 Iomraidhean Croise

Mateo 22:16

Fariseore mondo mboireare hareka Herode ẽẽ hãndiare. Heishu reta: Pyrỹmboi'ia, kuaa rãnga añeteva rỹmbeurã, hareka hekope kavi rymboi Tũpa hape. Kuaahaĩjy rymbyvapyã ndijehe, he'iandevarã, hãndi rỹma'ẽãvãĩjyhe marãvara.

Mateo 23:7

hareka potaĩ marãnduhashu reta karai vasure rãĩmi vataha õĩpi, hãrã kuaretare heihe verã pyrỹmboi'ia.

Mateo 23:8

Tẽvã pee avypo kuaretare pynymbyhee pyrỹmboi'ia, shara pee pente'ovare hãrã pyrỹmboi'ia rãnga penteĩ'ẽ, hokava hai Cristo.

Marcos 12:14

Kovare ohorã heishu reta: Pyrỹmboi'ia, kuaaha rãnga niñee añeteĩtevarã, rỹmbyvapyã ndijehe kuaretare hei ndeva, rỹma'ẽãhe marãva kuaretara, ãñete rypỹrỹmboihe Tũpa hape. Haikavira mẽ'ẽhashu kyrypoti mburuvishavasu Cesar, maĩrã, mba'ety? Mbyhepyaraposhu, maĩrã, mba'ety?

Juan 1:38

Haipe Jesús mãĩ haykuerã hesha ouhipia retarã pyrãndushu: Mbaivara pyhekapi? Haire hei: Rabi (he'iseva Pyrỹmboi'ia) mapera rikori?

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 12:37

Jesús heta japo mbaikavi heshaha verã haire hỹnonde, kyrãtẽvã jyrojãhe reta.

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 20:16

Haivi Jesús heishu: Maria! Hãrã Maria jerepyrã Hebreo ĩñeepe heishu: Raboni! (He iseva “Pyrỹmboi'ia”).

Juan 3:26

Haivi haire oho heishu Juan: Pyrỹmboi'ia, kueve yy syryva Jordan hyvache rikori hãndi vekua, hareka rijeta kavirihea, ã'ẽ pyrỹmyngaraima'i jyve hareka opavare ou hai ẽvãpe.

Juan 4:31

Haipe mboireare hei jyvyĩshu reta: Pyrỹmboi'ia, karumitẽvẽ mĩshĩ.

Juan 5:36

Tẽvã Juan hei vekuaivi ĩme'are mbava ijeta kavive shyreheva. Hãma maĩnunga ajapova, hai Sheru japokasheva, hokava heshaka kavi ãñete Sheru shymbouva.

Juan 6:2

Heta kuareta oho haykue, shara hesha reta mbaikavi heshaha verã japova mynguera'i ñymbairasy vekua retarã.

Juan 7:31

Heta kuaretare jyrojaherã, hei jyre: Cristo oumarã, mbaikavi heshaha verã hetaverapo japokui ko kuimbai japovaivi?

Juan 9:16

Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Filipenses 1:14

Hãrã hoka mykyrẽỹ opaite shyryvyre mbeu verã Tũpa ĩñee, kyjembape hareka jyrojakue ryheve Ñandejare.