Juan 3:16 - NandevaBiblia

¹⁶ Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 3:16 Iomraidhean Croise

Mateo 9:13

Pekua pikuaa mbaivara he'ise Tũpa ĩñeepe heirã vekua: “She rãnga aipota pypareko papishare hareka ha'eã mymba jukahavare”. She aĩã ãhẽno heko kavivape, koñeĩ heko porãmba'iare opa heja verã mbai porãmba japo vekua.

Marcos 12:6

Hãma koñemahea hembyshu tay haihuva, mondorã pyape hei: “Shyray rãnga, mba'ẽãpo japohe retakui”.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 10:28

She ameẽshu reta tykove opamba verã; hareka mapeãpo manokui, hareka mbavẽãpo heky ipoivi.

Juan 3:15

opaite jyrojaheare reko verã tykove opambava.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

Romano 8:32

Hai haihuããmba ñandyhevi Tay, hãma ma'ẽĩmbahe mano ñandyrehe, marãrapo me'ẽã jyve ñande Tay hãndi, opa mbai mba'ety ñandeva?

Efesios 2:4

Tẽvã Tũpa pyryparekova hareka ñandyraihuva ryhevarã,

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Tito 3:4

Tẽvã Tũpa Pyrỹmondojepeva heshakama pya kavikue hareka jyhaihu opaite kuaretaperã,

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

1 Juan 4:19

Ñande rãnga jahaihu Tũpa, shara tynonde hai ñandyraihu.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,