Juan 3:12 - NandevaBiblia

¹² Ko yvy'ĩãrẽ'õ ryheva aijetaheperã shyrojããpirã, marãrapo pyrojajy aijetahepe mbai ara vate'õ ryhevarãme?

Juan 3:12 Iomraidhean Croise

Juan 3:11

Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 3:8

Yvytu rãnga peju pota pejua kyty, rỹhendu mbyhy'apurã, tẽvã rikuãã mãĩvira ou hareka mãtyra oho. Kyrã jyve opaite Espirituivi oavare.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 5:11

Heta'ẽ jaihe verã kova, tẽvã hasy ñambeu kavi verã, shara javaipekuei pikuaaraviĩ verã.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.