Juan 21:16 - NandevaBiblia

¹⁶ Jesús hykuãĩ pyrãndujyshu: Simón Jonas tay, ndera shyraihu? Pedro heishu: Aryraihu rãnga Sheja, nde rikuaa kavi aryraihuva. Jesús heishu: Ñyngarekohekui shy'avishare.

Juan 21:16 Iomraidhean Croise

Mateo 2:6

“Nde Belén, Judeape rẽĩva, nimishivẽãmapokui mbavaivi tentare mbytepe. Shara ndyhevipo õhẽ mburuvisha vasu, ñyngarekohe verã shyrẽnta Israel”.

Mateo 25:32

Opaite tenta reta mbatyhapo hỹnonde, hãrã hai hykypo ijuhuvi avisha ñyngareko'ihea rãĩmi heky jy'avishare kavarare mbyteivi.

Mateo 26:72

Pedro ñomijy hãrã ĩñee meẽvape hei: Tũpa heepe hai aikuambava ko kuimbai.

Lucas 19:10

Shara Kuareta Tay ou heka hareka mondojepe verã kañy vekuare.

Juan 18:17

Haivi taupe õchepe ñyngareko'õvã pyrãndushu Pedro: Nde ha'ẽãra jyve ko kuimbai mboireare penteva? Hãrã Pedro heishu: Mba'ety, ha'eã rãnga she.

Juan 18:25

Haipe Simón Pedro ñymbou jypee'ẽ tata hyvacherã, heishu reta: Ha'ẽãra nde ko kuimbai mboireare penteva? Pedro ñomirerã hei: Mba'ety.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

1 Pedro 5:2

Pingarekohe Tũpa jy'avishare, pepope ñonohavare. Pijapo kavi kova Tũpa potava rãĩmi, pinimiñerãhamba'iape hareka kyrypoti pipotambape.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.