Juan 21:15 - NandevaBiblia

¹⁵ Opa karu retarã, Jesús pyrãndushu Simón Pedro: Simón, Jonas tay, shyraihuvera kovaivi? Simón Pedro heishu: Aryraihu rãnga Sheja, nde rikuaa kavi aryraihuva. Jesús heishu: Akuarã ñyngarekohekui shy'avishare.

Juan 21:15 Iomraidhean Croise

Mateo 10:37

Tuu hareka ishy haihuve shyheviva, katuãpo ikoshi sha'ãporã. Ĩme'ẽ haihuve shyheviva tay hareka tajy, katuãpo ikoshi sha'ãporava.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Mateo 26:33

Pedro heishu: Ajemaĩpo opa ndyreja reta tẽvã she aryrejããpokui.

Mateo 26:35

Pedro heishu: Ajemaĩpo ãmano jyve nendiekui, ãrĩñomiãpokui. Hãrã opaiteva mboireare kyrãpavẽi heijyre.

Marcos 14:29

Hãrã Pedro heishu: Opaĩtẽ ndyrejavara, ha'ẽã she aryreja verã.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 22:32

Tẽvã airureshuje Tũpa, potãã nykangy rirojakueperã. Hãrã opama hasa mbai pohyvarã, mykyrẽyjyshukui ni'ĩrũre jyrojanõĩ shyrehe verãre.

Juan 1:42

Haivi Andres raha Simón Jesús ẽvãpe. Jesús maĩherã heishu: Nde hai Simón, Jonas tay, tẽvã ã'ẽ nymbyheapo Cefas, he'iseva ita (Pedro).

Juan 13:37

Haipe Pedro heishu: Sheja, marã'ĩrãra katũãpo ã'ẽ aha ndipikui? She ãĩjyve ãmano nendie verã!

Juan 16:27

Sheru teiva rãnga pyndyraihu. Shara shyraihupirã hareka pyroja she aiva Tũpaivi.

Juan 21:12

Haivi Jesús heishu reta: Pei perãmbosa. Tẽvã mbavãã mboireare pyrãndushu mbavara hai, shara kuaa reta haiva Ñandeja.

Juan 21:7

Haipe Jesús mboirea haihuva heishu Pedro: Ñandeja rãnga! Simón Pedro henduma “Ñandeja rãnga” heivarã, mondejy mondevarã, opopy yy, shara nanitei'i.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Hechos 20:28

Hãrã pingareko pindijehe hareka opaite tũpaope ñymbatyvare, shara Espiritu Santo pynypyhyrõ pingarekohe verã Tũpa jytũpao, ha'ei huvypy ova vekua.

Hechos 20:29

Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.

Romano 14:1

Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

1 Corintios 8:11

Hãma kova mbai rikuaa vekua rehe, oajypo ñandyryvy pyrãtambateriva Cristo manohe vekuatẽ jyveva.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

Efesios 6:24

Hãrã Tũpa tymãĩ kavihe opaite haihuva Ñandeja Jesucristo, jyhaihu opamba verã ryheva. Amén.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,

1 Pedro 2:2

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

1 Pedro 2:25

Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

1 Juan 4:19

Ñande rãnga jahaihu Tũpa, shara tynonde hai ñandyraihu.

1 Juan 5:1

Opaite rojava Jesús haiva Cristo, ikoshi Tũpa tay, hareka opaite Teru haihuva, haihuĩ jyve hokava Teru tayre.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.