Juan 21:12 - NandevaBiblia

¹² Haivi Jesús heishu reta: Pei perãmbosa. Tẽvã mbavãã mboireare pyrãndushu mbavara hai, shara kuaa reta haiva Ñandeja.

Juan 21:12 Iomraidhean Croise

Mateo 22:46

Haipe mbaveã mbai heijyshu. Haivivãĩ mbavea mbaiva pyrãndujyshu.

Marcos 9:32

Tẽvã haire kuãã mbaivara he'ise hokava hai heiva, hareka kyje pyrãndushu reta.

Lucas 9:45

Tẽvã Jesús mboireare kũãã mbaivara hei ñynoĩshu reta, shara ñomĩhateri ñynoĩshi reta potã kuaarã, hãrã kyje pyrãndushu reta Jesús.

Juan 16:19

Jesús kuaa haire pota pyrãndu jyreshurã, heishu reta: She rãnga hai peeje vãhẽserima shyreshaveamapi verãpe, tẽvã kutymijyapepo shyreshapijykui. Haira hokava pypyrãndupi ijupe?

Juan 21:11

Simón Pedro jupi kanoaperã mbytyryry raha pysa tynyhe'õ pira marẽrẽyvã yy hymbeypeve, hãrã 153 pira ẽẽpy pysa, tẽvã osoã.

Juan 21:15

Opa karu retarã, Jesús pyrãndushu Simón Pedro: Simón, Jonas tay, shyraihuvera kovaivi? Simón Pedro heishu: Aryraihu rãnga Sheja, nde rikuaa kavi aryraihuva. Jesús heishu: Akuarã ñyngarekohekui shy'avishare.

Juan 4:27

Haipe vãhẽjy ou mboirea retarã mbyrymaĩhe hesha taupe ijeta'i hãndirã. Tẽvã mbavẽã pyrãndushu mbaivara pota, maĩrã, mbaivarera ijeta'i hãndi.

Hechos 10:41

Ha'ẽã opaitevape ijeshakajyva, koñeĩ ore Tũpa ỹrỹpỹhỹrõva, mbeu verã Jesús hykovejyva. Shara karuha hareka ñymby'uha hãndi kuerajymarã,