Juan 20:19 - NandevaBiblia

¹⁹ Hokava Domingo arape pỹnturã, Jesús mboireare ñymbaty reta. Haipe õche mboty reta shara kyje jyreshi Judio juhuvishare. Haivi Jesús ou haire mbyteperã, marãndushu retarã hei: Pyndypya kaviteño!

Juan 20:19 Iomraidhean Croise

Mateo 10:13

Haipe'õ kuaretare hentape pynymyvãhẽ kavirã, pyhejashu reta ko ñymymarãndu pyavapy, haire mba'ẽãshurã timejype.

Mateo 18:20

Hãma mokue, maĩrã mbahapy shyreepe ñymbatyva, she haipe ãĩ hãndi reta.

Marcos 16:14

Koñymaheape Jesús ijeshakajy 11 mboirea retape, haire vapy ñynoĩ mesaperã. Ñyngãtashu reta jyrojãã hareka pya tãtãite retarã, shara rojãã reta kuerajya heshavare mbeute jyrerã.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 16:22

Kyrãĩ jyvepe ã'ẽ pyvy'ãpẽĩ, tẽvã aijyma apyryresharã vy'akue pynytynyhẽpokui, pente vya mbavamba katu heky pyndyhevi verã.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Juan 20:26

Hãrã 8 ara jyape, Jesús mboireare hykuãĩ ñymbaty py'aujy pente oope, haipe Tomas ñynõĩma jyve hãndi reta. Õche opate mbotya kaviva, Jesús ou haire mbytepe, marãndushurã hei: Pyndypya kaviteño!

Juan 21:1

Kova mbaijyrã, Jesús hykuãĩ ijeshakajyshu mboireare yyvasu Tiberia hymbeype. Kyrã japo:

Juan 21:14

Kova hai mbahapyhea Jesús ijeshakajyshua mboireare, kuerajy manovare mbyteivirã.

Juan 7:13

Tẽvã mba'etymba ijetaiteheva, shara kyjeshi reta Judiore juhuvisha.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

Romano 15:33

Tũpa pya kavikue tõĩ penendie opaiteva. Amén.

1 Corintios 15:5

Hareka ijeshakashu Pedro, haivi 12 apostol retape.

Efesios 2:14

Cristo rãnga hai ñanymbypya symyĩva, Judio hareka Judiombava retaivi japoshi pente tenta, shara hai opa ityka jochava Judio hareka Judiombava pãũpe'i vekua, hãrã ã'ẽ haiveãma ijeshatambaa jyreva.

Efesios 6:23

Tũpa Ñanderu, hareka Tũpa tay Jesucristo tymeẽ ñandyryvy retape pyavapy hareka jyhaihu, jyroja ryheve.

Filipenses 1:2

Ñanderu Tũpa hareka jyve Teja Jesucristo tymeẽpe jyhaihukue hareka pyavapy.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

Hebreos 7:2

Haivi Abraham meẽshu Melquisedec opañandepoivi pente opaite hai veru vekua ñyrãrõivi. Tynonde katu jaikuaa kavi Melquisedec he'ise “huvishavasu pirĩmbivache ryheva”, hareka “huvisha vasu Salempe'õ”, hokava hai, “pyavapy juhuvisha”.

3 Juan 1:14

shara ãhãrõ'ãĩ aha aryresha verã, haivi jaijeta ijupii verã.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,