Juan 20:1 - NandevaBiblia

¹ Semana ara tynondeheape, kõ'ẽĩ pỹntuteriva, Maria Magdalena oho tã'õvẽ ẽvãpe Jesús ñonoãvape; hãrã hesha ita jo'oava juru mbotyhapya mbysyryama.

Juan 20:1 Iomraidhean Croise

Mateo 27:56

Hokavare mbytepe'ẽ Maria Magdalena hãndi Maria Santiago hareka José ishy, Zebedeo tayre ishy.

Mateo 27:60

hãma ñono ita jo'oa vekuapy, manova ñotya verãpe ha'ei ña'ãpova, hãirã jo'okava. Mbotyma jo'oava juru pente ita marẽyvãpyrã, ohojy.

Mateo 27:64

Hãrã pota riñono ñyngarekohe verã tã'õve rẽnda mbahapy arapeve, mahẽ mboireare ou ñomi rahakui pyhare hetekue, haivi heipo retakui, pũãjymava manoare pãuvi. Kyrã jehurã, ko japuva teitevemapojykui, tynonde ñahendu vekuaivi.

Mateo 27:66

Haivi jyraha mboty reta tã'õve ñonoavape hõche hesha verã ĩme'ẽ peavarã. Hãrã haipe heja reta syndarore ñyngareko'ẽhe verã.

Mateo 28:1

Hasama putu'uava jy'ararã, pente ara semana õñepyrõhea kõ'ẽi, Maria Magdalena hareka ĩrũ Maria jyraha hesha verãre tã'õve rẽnda.

Mateo 28:2

Hãrã sapy'ãi hỹnatu yvyryry shara pente Ñandeja jokueva vejy mbysyry verã tã'õve rẽnda jochapya, hãma vapy'ẽ ĩãrẽ.

Marcos 15:46

Hãma José ova pente tarapo pyrẽrĩva, harã mbyvejy Jesús hetekuerã ñomapy. Haivi raha ñono ita jo'oa vekuapy, hãrã ita vasu pẽi mbotyjy'ĩãrẽ.

Marcos 16:9

Jesús kuerajymarã ara tynonde'õ semana õñepỹrõape kõ'ẽĩ, tynonde ijeshakashu Maria Magdalena, 7 mbaiposhy mohẽshi vekua.

Juan 11:38

Jesús pyape mbasy ryheve ñymboja ita jo'oa vekuape, Lazaro hetekue ẽvãpe, hokava ita jo'oava, hõche pente ita vasupẽĩ mbotyhajy.

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Juan 19:25

Jesús jukurusu hyvache'i ishy Maria, hãndi ishy kypyy, Maria Cleofas hyreko hareka Maria Magdalena.

Juan 20:26

Hãrã 8 ara jyape, Jesús mboireare hykuãĩ ñymbaty py'aujy pente oope, haipe Tomas ñynõĩma jyve hãndi reta. Õche opate mbotya kaviva, Jesús ou haire mbytepe, marãndushurã hei: Pyndypya kaviteño!

Hechos 20:7

Ara semana oñepyrõheape, ñymbatyha pãhã pyse'ãhã verã, haipe Pablo mboishu Jesús jyrojaheare. Ohojymapojy ĩrũ arajyaperã, pyhare mbytepeve ijeta.

1 Corintios 16:2

Domingoma'ẽrã, pepenteĩ timbijiche kyrypoti, hipityva rãĩmi, mahẽ ahamarã ajera pymbatypijykui.

Apocalipsis 1:10

Ãĩme ãĩ Espiritupy Ñandeja jy'arape, hãrã ahendu shaykue pente ñee hỹnatuva, trompeta ipukue rãĩmiva,