24 Tẽvã Jesústeiva rojãã reta, shara hai opa pyrykuaa.
Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?
Tẽvã Jesús kuaaravĩĩ mbaivara hei ñynoĩ pyape, hãrã heishu reta: Marã'ĩrãra kyrã pypya pimbijetapẽĩ?
Haivi Andres raha Simón Jesús ẽvãpe. Jesús maĩherã heishu: Nde hai Simón, Jonas tay, tẽvã ã'ẽ nymbyheapo Cefas, he'iseva ita (Pedro).
Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.
Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.
Jesús heishu: Ekua mbeushu neme, hareka eii hãndikui kope.
Tẽvã she apyrykuaa kavi, hareka aikua Tũpape pyhaihuã.
Tẽvã Jesús kuaa haire pota mbaretepe huvisha vasurã raha ñono jyrerã, hãrã ha'i oho jupijy yvyturusure.
Tẽvã, ĩmeteri'ẽ pynymbytepe rojambava. Shara Jesús opamãĩ kuaa mbava retara rojãã, hareka mbavara pysykapo.
Haipe jurure retarã hei: “Sheja nde opa rikuaa typyare. Heshaka ore mbavara ko mokue'õre rypyhyrõva,
Tũpa rãnga opa kuaa ñandypyape ẽvãre, hai haihu jyveshu haimba Judiore, meẽ jyveshu haire pevarã Espiritu Santo meẽ ñandea rãĩmi.
Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.
Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.
