Juan 19:4 - NandevaBiblia

⁴ Pilato hykuãĩ õhẽjyrã heishu reta: Pymãĩhe, ko kuimbai aru katoape pyhesha verã, she aheshããhe maĩnunga porãmba japova.

Juan 19:4 Iomraidhean Croise

Mateo 27:19

Pilato vapyteri'ẽ tribunalperã, hyreko heishu: “Avy mãĩ'ẽhe, ndeave ko kuimbai heko kaviva, pyhare porãã apaihu, hai rehe”.

Mateo 27:24

Pilato heshama mba'ẽãpo japoherã, hareka sapukevaĩ ñymbyheta verã, veruka yy hareka jypoi kuaretare hỹnonderã, hei: Shepo ky'ãpo ko kuimbai heko kaviva manoivi, pee pevarãma kova.

Mateo 27:4

hãrã heishu reta: Mbai porãmba rãnga ajapo, ko kuimbai heko kaviva ameẽ jukaha verã. Tẽvã Haire heishu: Tẽvãra mbaivẽãma hai ore hokava! Ndyreheima'ẽ hokava!

Mateo 27:54

Syndaro ruvisha hareka opaite haipe'ẽ hãndiare Jesús ñyngareko'ẽheare heshama yvyryry hareka opaiteva mbai ikovarã, kyjeiterã hei: Kova rãnga ãñeteimba Tũpa Tay.

Lucas 23:4

Hãrã Pilato heishu pai ruvishare hareka kuaretare: She aheshãhe ko kuimbai maĩnunga porãmbava jajahehe verã.

Lucas 23:41

Ñande rãnga hekope kavi jahasa'asyñaĩ, shara mbai porãmbava jajapo ñande; tẽvã ko kuimbai japoã hai mbai porãmba.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Juan 18:33

Pilato ichejy ho'iperã, hẽno Jesús, hãrã pyrãndushu: Haira nde Judiore juhuvishavasu?

Juan 18:38

Pilato pyrãndushu Jesús: Mbaivara hokava añeteva? Hokava pyrãndurã Pilato õhẽjy Judiore ẽvãperã heishu reta: Ko kuimbai aheshããhe porãmba japova.

Juan 19:6

Pai ruvishare hareka syndarore tũpao ñyngareko'ihea, Jesús heshama retarã õñepyrõ sapuke reta: Mbysavava kurusure! Mbysavava kurusure! Pilato heishu reta: Pyraha, pymbysavavape. Shara aheshããhe maĩnunga porãmba japova.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

1 Pedro 2:22

Hai japoã mbai porãmba, hareka mbavapeã mbytavy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.