Juan 19:35 - NandevaBiblia

³⁵ Kova hesha vekua mbeupe hareka japuã; hai kuaa añeteva mbeurã, pyroja verã jyve.

Juan 19:35 Iomraidhean Croise

Juan 11:15

She avya'ãĩ, ãimeã'ãĩ haiperã, shara haikavive pee pevarã, piroja shyrehe verã. Tẽvã jaha ñamaĩhe.

Juan 11:42

She aikuaa shyrẽnduñoĩrã, tẽvã kova kuaretare rehe kyrã hainde, roja verãre nde hai shymbouvarã.

Juan 14:29

Ãmbeupe kova mbai, ndeiteri jehurã, ikomarã pyroja verã.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Juan 19:26

Jesús heshama ishy, hareka mboirea hai haihuvarã, heishu: Taupe, koo'ẽ nymemby.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 21:24

Jesús mboirea haihuva hai ijeta'ẽheva kova mbai, hai mbypara kova kuatia. Hãrã jaikuaa opaiteva heiva añeteva.

Hechos 10:39

Ñande jahesha opa mbai Jesús japova Judeape hareka Jerusalenpe, haivi raha kurusure mbysavava reta juka verã.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Juan 5:13

Hãme ambyparape kova mbai opaite jyrojaheva Tũpa Tay, pikuaa verã ĩmepyreva tykove opambava.

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.