Juan 19:34 - NandevaBiblia

³⁴ Hãrã penteva syndaro kutu yvyra puku hakuavapy Jesús jichepe, hãrã haipevaĩ õhẽshi tuvy hareka yy.

Juan 19:34 Iomraidhean Croise

Mateo 27:62

Hoka ara kuty jyape, putu'uava jy'aramarã, pai ruvisha hareka fariseore oho Pilato ẽvãpe.

Juan 19:33

Tẽvã ñymboja Jesús ẽvãperã hesha reta manoma, hai reheĩ my'õpeãshi reta tyma.

Juan 20:20

Haipe mbyheshaka reta ipo hareka jiche kutua vekuape. Hãrã mboireare heshajyma Ñandeja Jesucristorã vy'aite jyre.

Hechos 22:16

Hãmera ã'ẽ, mbaiva ryhãrõ? Pũ'ã hareka ñymyngarai hareka jurureshu Ñandeja hejareindyhevi verã mbai porãmba vekua”.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 5:26

Hai mano japo ñandyhevi verã Hai pevarãĩ, johema hai ĩñee kavi rupii yype joheava rãĩmi.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 9:13

Toro hareka kapuraray huvykue, hareka vakaray timbo momohẽava kuaretare'ĩãrẽ rãnga mbyheko kavi hareka hete ĩãrẽĩ joheshu,

Hebreos 9:22

Ñee mbyparahavape ẽẽ, opa mbai tekotẽveñoĩmba ijohepy tuvy, shara tuvy hakuavahããrã mba'etypo mbai porãmba vekuare hejarei verã.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.

1 Juan 5:8

Espiritu, yy hareka tuvy, kova mbahapy'õre penteva ñeepẽĩ ñynoĩ.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.