Juan 19:17 - NandevaBiblia

¹⁷ Jesús õhẽ jukurusu ryheve oho verã “Tãkã kãvẽ Rẽnda” he'iashuape, Hebreore ĩñeepe he'iseva Golgota.

Juan 19:17 Iomraidhean Croise

Mateo 10:38

Hãma jukurusu hupimbaa hareka shĩmi'ĩrũrã, katuãpo sha'ãporãva.

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Mateo 27:37

Hãma ñaka'ĩãrẽ ñono reta pente yvyra ipeva mbyparahava heiva: “Kova hai Jesús Judiore juhuvisha”.

Marcos 10:21

Jesús jyhaihukue ryheve maĩherã heishu: Pente mbai mba'etynde rijapo verã. Ekua, opa ẽvende ĩmeryreare, hãrã hepykue memeẽshu pavete'iare. Hãmerãpo ripitykui mbai hetava vate arape'õ; haivi ei shimi'ĩrũ.

Marcos 15:26

Hãma pente mbyparahava ñonohã kurusu ñakare mbaiva rehera jukaha, heiva: “Judiore juhuvisha vasu”.

Marcos 15:32

Tyvejy kurusuivi hokava Cristo, Israelitavare juhuvishavasu, heshaha verã hareka rojaha verã jyve. Hãma kurusure mbysavava hãndivare, hehei jyrejyveshu.

Marcos 8:34

Haipe Jesús hẽno mboireare hareka kuareta retarã hei: Ĩme'ẽ pota shaykue ouvarã, tiñymbysare ijuhuvi, tuhupi jukurusu, tou shaykue.

Lucas 14:27

Hãrã jukurusu hupimbava hareka oumba shaykueva katuãpo ikoshi amboi'area.

Lucas 23:26

Rahama reta Jesús mbysavava verãre kurusurerã, ñyvãĩti hãndi reta pente kuimbai tenta Cirenepe'õ Simón he'iashua, ñuuvi oujyva. Hãrã hupishu reta ñyvãpenkare kurusu, raha verã Jesús haykue.

Lucas 23:33

Vãhẽma jyraha “Tãka kãvẽ rẽnda” he'iashuaperã, kurusure mbysavava reta Jesús, hareka mõkue kuimbai maĩnunga porãmba japo'i vekuare; pente ñonoha jakata kyty, ĩrũ jasu kyty.

Lucas 23:38

Jesús ñaka'ĩãrẽ ñonoajy ñee mbyparava Latin hareka Hebreo ĩñeepe heiva: “Kova hai Judiore juhuvisha vasu”.

Lucas 9:23

Haivi hei opava retape: Ĩme'ẽ pota ou shimĩ'ĩrũvarã, tĩmbysare ijuhuvi, tuhupi jukurusu opa ara, hareka tou shaykue.

Juan 19:13

Pilato henduma hokavarã, nohẽkajy Jesús katoape. Hãrã pirĩmbivache'õ vapyseape vapy. Hebreope mbyheeava Gabata, he'iseva itaivi japoava.

Juan 5:2

Haipe Jerusalenpe avishare hõche he'iashua hyvache, ĩme'ẽ pente yy mbyhyruhapya hebreo ĩñeepe he'iashua Betesda, ĩmereva pandepo hõche.

Hechos 7:58

Haivi nohẽshu reta hoka tentaivi hareka japi reta itape, hãrã opaite heshavare kova hejashu reta monde vekua Saulo he'iashuva.