Juan 19:11 - NandevaBiblia

¹¹ Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Juan 19:11 Iomraidhean Croise

Mateo 26:65

Haivi pai juhuvisha vasu myndoro mondevarã hei: Ko kuimbai ijeta porããhe Tũpa, mbai rehera jahekapojy mbeu kavi verã? Pee rãnga pyhenduma heihe vekua Tũpa.

Mateo 27:2

Haivi ipo pokuaha ryheve rahashu retarã meẽ reta Poncio Pilatope, huvishavasu mbory'õre ipope.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Marcos 14:44

Judas pyrypysykava heimaimbashu reta: “Apyte ãmarãndushuvapo haikui, pypysykui hareka kapyry pyrahakui”.

Lucas 22:53

Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Juan 18:13

Haivi raha reta Jesús Anas hentape, Caifas hyvaja hareka haimba pai juhuvishare hokava ãñope.

Juan 18:3

Haipe Judas vãhẽ oho hãndi syndarore hareka tũpaope ñyngareko'õre, paire juhuvisha hareka fariseore mondova. Raha reta sapepyare, tata yvyrare myhendyava hareka kyse pukuva.

Juan 19:10

Hãrã Pilato heishu Jesús: Mba'ẽãrapo rereshe? Rikuããra shepope ẽvã arỹmbysavavaka verã kurusure, hareka ãmã'ẽĩjy ndyrehe verã?

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Juan 7:30

Haivi pota pysykajyre; tẽvã mba'ety pysyva shara ndeiteri vãhẽ jy'ara.

Juan 9:41

Jesús mbyhovai: Pee hai jyve heshamba kũvãĩpiarã, mba'etytẽpyre verã mbai porãmba vekua. Tẽvã pere pyheshapiarã, oapo pẽãrẽ mbai porãmba pijapo vekua.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Hechos 4:28

iko verã opa mbai nde rere vekua rãĩmi.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Romano 13:1

Opaitevapo ñaĩñyñono mburuvishare ñonohavare ipope. Shara mba'ety mburuvisharã'õre oumbaa Tũpaivi, hai rupii rãnga ñonoha reta.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

Santiago 4:17

Ĩme'ẽ mbai haikaviva katutẽ japova, japoarã, mbai porãmbama japo'ẽ.