Juan 18:8 - NandevaBiblia

⁸ Hãrã Jesús heijyshu reta: She ãmbeuma rãngape, she hai. She shyrekapirã, pyma'ẽĩhe kovare opajy toho.

Juan 18:8 Iomraidhean Croise

Mateo 26:56

Tẽvã opava kova iko'ẽ hekope, Tũpa ĩñee mbeu'iare hei vekua Tũpa ĩñeepe. Haivi mboireare opa hejashu Jesús hã'ẽĩ.

Juan 10:28

She ameẽshu reta tykove opamba verã; hareka mapeãpo manokui, hareka mbavẽãpo heky ipoivi.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 13:36

Simón Pedro pyrãndushu Jesús: Sheja, matyrapo reho? Jesús heishu: She aha verãpe, katũãpo ã'ẽ reho shaykue; tẽvã ha'ereipo rehokui.

Juan 16:32

Vãhẽma ara, ã'ẽvãĩ opa pimomohẽ verã, hareka shẽĩpo shyrejapikui. Tẽvã, ha'ẽã sheiĩ ãĩva shara Sheru aĩ hãndi.

Juan 18:7

Jesús hykuaĩ pyrãndujyshu reta: Mbavara pyhekapi? Hãrã haire heishu: Jesús Nazareno.

Juan 18:9

Hokava jehu Jesús hei vekua ikoma verã: “Sheru meẽshe vekuare, penteã kãñy”.

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

2 Corintios 12:9

Tẽvã hai heishe: “Koñeĩ rikotẽve shyhevi jyhaihu; shara mbaikatu ĩme'areva ijeshaka kavi kangykuepe”. Hãrã shypyrãtamba vekuapeĩpo airoja shijehe, Cristo pyrãtãkue ẽẽ sheãrẽ verã.

Efesios 5:25

Hoka temere tyhaihu kavi tyrekope, Cristo haihuva rãĩmi jyve tũpaore, hãrã hai meẽ manohe verãre.

1 Pedro 5:7

Opava pejepy'apyhevare pyheja Tũpa ipope. Shara Hai ñyngareko'ẽ pyndyrehe.