Juan 18:37 - NandevaBiblia

³⁷ Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 18:37 Iomraidhean Croise

Mateo 26:64

Hãrã Jesús heishu: Kyrã rãnga, nde rereva rãĩmi. Hãrã haijy pee, pyheshapokui kuareta Tay vapy, Tũpa ñymbaikatuveva jakata kyty hareka ouma vate araivi avãpyntupy.

Mateo 27:11

Raha reta Jesús huvisha vasu mbory'õre ẽvaperã hai pyrãndushu: Ndera hai Judiore juhuvisha? Jesús heishu: Nde rãnga rere.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Marcos 15:2

Hãma Pilato pyrãndushu: Ndera hai Judiore juhuvishavasu? Jesús heishu: Nde rãnga rere.

Lucas 22:70

Haivi opaiteva pyrãndushu reta: Akuarã ndera hai Tũpa Tay? Jesús heishu reta: Hai rãnga, pee pereva rãĩmi.

Lucas 23:3

Hãrã Pilato pyrãndushu: Ndera hai Judiore juhuvisha vasu? Jesús heishu: Nde rãnga rere.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 3:32

Hai mbeu heshava hareka hendu vekua; tẽvã mba'ety rojava.

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Juan 8:14

Jesús heishu reta: Sheeitẽ aijeta shijehevara, añetevaĩ hai. She rãnga aikuaa mãĩvira ai hareka matyra aha. Tẽvã pee pikuãã.

Juan 8:45

Hãrã añeteva she haiperã, katuã shyrojapi.

Juan 8:46

Mbavara pynymbytepe heshakaposhe mbai porãmba ĩme'areva? Añeteva hai peerã, marã'ĩrãra shyrojããpi?

Juan 8:47

Tũpa ryhevare hendu kavi Tũpa ĩñee; tẽvã shyrẽnduseãpi shara ha'ẽãpe Tũpa ryhevare.

1 Timoteo 6:13

Ã'ẽ Tũpa opa mbai mbyhykoveva hỹnonde, hareka Jesucristo hỹnonde hekope kavi ñymbeu vekua Poncio Pilato hỹnonde, airure nde

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Juan 2:21

Ambyparape kova kuatia, ha'ẽã pikuãã añetevarã, pikuaa rãnga jyve, hareka pikuaa mba'ety japuva õhẽ verã añetevaivi.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

1 Juan 3:19

Kyrãvape ñande jaikuaa añeteĩtevape ñaĩrã, hãrã kyrãrãpo ñandypyavapyñaĩ Tũpa hỹnonde.

1 Juan 4:6

Ñande rãnga hai Tũpa ryhevare, hãrã katupo jaikuaa mbavara ĩmere Espiritu añeteva hareka espiritu japuva. Tũpa ryhevare ñanyrẽndupo, tẽvã haimba Tũpa ryhevare ñanyrẽnduãã.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 1:4

She Juan, amymarãndu 7 tũpaore ẽvã Asiape: Pymyvãhẽ jyhaihukue hareka pyavapy ouva, haiñoĩva hareka haiva, hareka ou verã, hareka 7 espiritu ẽvã hai vapypya hỹnonde,

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.