Juan 18:33 - NandevaBiblia

³³ Pilato ichejy ho'iperã, hẽno Jesús, hãrã pyrãndushu: Haira nde Judiore juhuvishavasu?

Juan 18:33 Iomraidhean Croise

Mateo 27:11

Raha reta Jesús huvisha vasu mbory'õre ẽvaperã hai pyrãndushu: Ndera hai Judiore juhuvisha? Jesús heishu: Nde rãnga rere.

Mateo 27:27

Hãma huvisha syndarore rahashu Jesús huvisha hentape hareka mbatykashu ĩrũre ẽẽ hãndiare.

Marcos 15:2

Hãma Pilato pyrãndushu: Ndera hai Judiore juhuvishavasu? Jesús heishu: Nde rãnga rere.

Lucas 23:2

Haipe õñepyrõ porããrei ijeta ñynoĩhe reta: Ko kuimbai rãnga heshahahe myporã'ẽ ñanyrẽta. Hei ñameẽmbashu verã kyrypoti mburuvishavasu Cesar, hareka heijy ijehe Cristo, huvishavasu.

Juan 1:49

Natanael heishu: Pyrỹmboi'ia, nde rãnga hai Tũpa Tay, nde hai Israel Juhuvishavasu.

Juan 12:13

Hãrã jasyja reta karãnday hoky jyraha hỹvãĩti reta Jesús hareka sapuke jyrerã hei: Yrỹmondojepeve, Ũrũtũpa! Tojehovasa Ñandeja heepe ouva! Tojehovasa Israel juhuvisha vasu!

Juan 12:15

“Avy pykyje tenta Sionpe'pẽiva! Pymãĩhe ouma punduruvishavasu, mbirikamire ou”.

Juan 18:34

Jesús pyrãndu jyveshu: Ndera ndijuhuvi rereshe, maĩrã, yngava retara shymbeu nde?

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 18:38

Pilato pyrãndushu Jesús: Mbaivara hokava añeteva? Hokava pyrãndurã Pilato õhẽjy Judiore ẽvãperã heishu reta: Ko kuimbai aheshããhe porãmba japova.

Juan 19:12

Haipema Pilato heka marãrapo ma'ẽĩjyhe Jesús; tẽvã Judiore sapuke jyrerã hei: Rỹmã'ẽĩjyherã, nde haiveamapo huvishavasu Romape'õ ñi'ĩrũ! Ĩme'ẽ hei ijeheva haiva huvishavasu, ñymbyvaishomahe huvishavasu Romape'õ!

Juan 19:3

Haivi õñepyrõ hovaipi nũpashu retarã hei: Tiko puku Judiore juhuvishavasu!

Juan 19:4

Pilato hykuãĩ õhẽjyrã heishu reta: Pymãĩhe, ko kuimbai aru katoape pyhesha verã, she aheshããhe maĩnunga porãmba japova.

Juan 19:9

Hãrã Pilato ichejy huvisha ho'ipe hareka pyrãndushu Jesús: Mãĩvi reivara nde? Tẽvã Jesús mba'ẽã hei.

1 Timoteo 6:13

Ã'ẽ Tũpa opa mbai mbyhykoveva hỹnonde, hareka Jesucristo hỹnonde hekope kavi ñymbeu vekua Poncio Pilato hỹnonde, airure nde