Juan 18:20 - NandevaBiblia

²⁰ Jesús heishu: She rãnga aijetañoĩ kuaretare hỹnonde; Judiore ñymbatyseape hareka tũpaoipi apyrỹmboiñoĩ, opaite henta'õre ñymbatyseaipi. Mba'ety ñemiapeĩ aijetaheva.

Juan 18:20 Iomraidhean Croise

Mateo 24:26

Hãrã ĩme'ẽ heipeva: “Mesia ĩme'ẽ yvy ikoambaipi”, avy pekua. Heiperã: “Koo rãnga ñemi'i, avy pyroja”.

Mateo 26:55

Hãrã Jesús heishu kuaretare: Marã'ĩrãra kyse puku hareka yvyra ryheve pei shypysy verã, manarõ'ia rãĩmi. Opa ara rãnga avapy pynymbyteipi tũpaope apyrỹmboirã, tẽvã mbairãmba shymby peresopiva.

Mateo 26:65

Haivi pai juhuvisha vasu myndoro mondevarã hei: Ko kuimbai ijeta porããhe Tũpa, mbai rehera jahekapojy mbeu kavi verã? Pee rãnga pyhenduma heihe vekua Tũpa.

Mateo 4:23

Jesús opa vatahupi Galileape, Judiore ñymbatyseape pyrỹmboihe Ñee kaviva mbeu Mburuvisha vasurã vate araivi ouva ryheva, kuareta ñymbairasy vekuare opa mynguera.

Mateo 9:35

Jesús vata opaite tentamire'õĩpi, hareka tenta vasu retaipi pyrỹmboihe Ñee kaviva Judiore ñymbatyseape mbeu Mburuvisha vasurã vate araivi ouva ryheva, hareka mynguera ñymbairasyvare.

Marcos 8:32

Jesús mbeu kavishu reta kova, hãrã Pedro raha yngaity hã'ẽĩrã, poshy ryheve heishu ỹtẽñoma kyrã ijeta verã.

Lucas 21:37

Jesús arapeave pyrỹmboi tũpao pe; tẽvã pynturã õhẽ oho yvyturusu Olivo he'iashuape.

Lucas 4:15

Pyrỹmboi Judiore ñymbatyseape, hareka opavare õmombaishu.

Juan 18:21

Marã'ĩrãra rỹpyrãndu she? Pyrãndu jyveshu opaite shiñee hendu vekuare, hareka tymbeu jyve nde amboihe vekuare. Haire kuaa kavi she hai vekua.

Juan 6:59

Jesús pyrỹmboihe kova mbai Judiore ñymbatyseape Capernaumpe.

Juan 7:14

Hãrã arete mbytema ohorã Jesús tũpaope icherã, õñepyrõ pyrỹmboi.

Juan 7:26

Pymãĩhe kuty ijetañynoĩ hãndi reta, mba'ety rãnga mbai heishua. Ĩmera'ẽ ñanduruvishare rojava ko kuimbai ãñeteĩte haiva Cristo?

Juan 7:28

Hokava hendurã, Jesús tũpaope pyrỹmboi'ẽrã hỹnatu hei: Ãñetera pikuaa mbavara she hareka mãĩvira'ai? Tẽvã She shijuhuvireiã'ai; añeteva rãnga shymbou, pikuaambava.

Juan 7:4

Shara pota kuaaha katuva, japoãpo maĩnunga ñemiãpe. Hãrã rijapova, japo opavare hỹnonde.

Juan 8:2

Hãma paremajyrã kõ'ẽĩ oujy tũpaope. Heta kuaretare ou hai ẽvãpe, haipe vapyrã mboishu reta.

Juan 8:26

Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.

Hechos 26:26

Mburuvisha Agripa rãnga kuaakavi jyve kova mbai, hãme akyjeã aijeta hỹnonde. Aikua kavi jyve hai opa kuaava kova mbai shara ha'ẽã ñemiape japoha vekua.