Juan 18:12 - NandevaBiblia

¹² Haivi syndarore juhuvisha hãndi, hareka Judio ñyngareko'iheare pysy reta Jesús, hãrã pokua reta.

Juan 18:12 Iomraidhean Croise

Mateo 26:57

Hãrã Jesús mbyperesovare rahashu pai vasu Caifas hentape. Moisés mbypara vekua pyrỹmboi'iheare hareka kuakuavare ñymbatyse'õpe.

Mateo 27:2

Haivi ipo pokuaha ryheve rahashu retarã meẽ reta Poncio Pilatope, huvishavasu mbory'õre ipope.

Mateo 27:27

Hãma huvisha syndarore rahashu Jesús huvisha hentape hareka mbatykashu ĩrũre ẽẽ hãndiare.

Marcos 14:53

Hãma rahashu reta Jesús pai vasure hỹnonde, opaiteva ñymbaty pai ruvishare, Judiore juhuvishare hareka Moisés mbypara vekua pyrỹmboi'iheare.

Marcos 15:1

Hãma kõĩmarã, ñymbaty ijeta reta pai ruvishare, Moisés mbypara vekua pyrỹmboi'iheare, Judio juhuvishare, hareka opaite pirĩmbivacheka'iare. Haivi raha reta Jesús opa popokuahavape hareka ñono reta Pilato ipope.

Lucas 22:54

Hãrã pysyma retarã raha reta pai ruvisha hentape; Pedro mbyryĩ oho'i jyve haykue.

Juan 18:3

Haipe Judas vãhẽ oho hãndi syndarore hareka tũpaope ñyngareko'õre, paire juhuvisha hareka fariseore mondova. Raha reta sapepyare, tata yvyrare myhendyava hareka kyse pukuva.

Hechos 10:1

Ĩmemba'ẽ tenta Cesareape pente kuimbai Kornelio he'iashua, 100 ẽvã syndarore miñaka'ishua, kuaahava jyve Syndarore jatyse'õ “Italiava” he'iashuape.

Hechos 21:31

Jukaserimajyreva, myvãhẽãmbashu marãndu syndarore juhuvisha, opaite kuaretare Jerusalenpe'õre opa ikoraiva.

Hechos 21:37

Hãma kuartelpe minjeama potarã, Pablo pyrãndushu syndarore juhuvisha: Ryhejããrapo pente mbai hai jyvende? Mburuvisha heishu: Rikatumbatẽ rijeta griegore ĩñeepe.

Hechos 23:10

Kyrã ñimbitivishave oho ko ikova, hãrã syndarore juhuvisha kyje jukashu verã Pablo, hẽnoka syndarore nohẽ verãre Pablo haire mbyteivi, raha verãre syndarore ho'ipe.